ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្ដេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត អញ្ជើញ​ទទួល​ព្រះរាជដំណើរ​ព្រះមហាក្សត្រ និង​សម្តេចម៉ែ​យាង​និវត្តន៍​ពី​ប្រទេស​ចិន​ - ​វ៉ាក់សាំង​កូវី​ដ​១៩ ចំនួន​៣​លាន​ដូ​សទៀត បាន​ដឹក​មកដល់​ប្រទេស​កម្ពុជា​ហើយ​ - សេចក្តីសម្រេច​របស់​រា​ជ​រដ្ឋាភិបាល​កម្ពុជា ស្តីពី ការផ្អាក​ការរៀបចំ​ពិធី​បុណ្យកាន់បិណ្ឌ និង​ភ្ជុំបិណ្ឌ ដើម្បី ​ទប់ស្កាត់​ការឆ្លង​រាលដាល​នៃ​ជំងឺ​កូវី​ដ​-១៩ - ឯកឧត្តម អ៊ូច ភា អញ្ជើញ​ប្រកាស​បើក​ដំណើរការ​សាកល្បង​សាលា រៀន​ដែលមាន​ហានិភ័យ​ទាប ថ្នាក់​ទី​៩ និង​ថ្នាក់​ទី​១២ នៅ​ទូទាំង​ខេត្តតាកែវ ព្រមទាំង​នាំយក​អំណោយ​ម៉ាស់ របស់​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហម ផ្ដល់ជូន​សិស្សានុសិស្ស​ - ឯកឧត្តម ប៉ាន សូរ​ស័ក្តិ ការពារ​សេចក្តីព្រាងច្បាប់ ក្នុង​សម័យប្រជុំ​ព្រឹទ្ធសភា លើក​ទី​៧ នីតិកាល​ទី​៤ - ឯកឧត្តម​អភិបាលខេត្ត​តាកែវ អញ្ជើញ​ប្រកាស​បើក​យុទ្ធនាការ​ចាក់​វ៉ាក់សាំង​ការពារ​ជំងឺ​កូវី​ដ​១៩ ដល់​កុមារ ចាប់ពី​អាយុ ៦​ឆ្នាំ ដល់​អា​ក្រោម ១២​ឆ្នាំ នៅ​ភូមិសាស្ត្រ​ខេត្តតាកែវ​ - ឯកឧត្តម​អភិបាលខេត្ត​តាកែវ អញ្ជើញ​ដាំ​កូន​ឈើ​នៅ​សួនច្បារ​សម្ដេច​វិបុល​បញ្ញា សុខ​អាន ក្នុង​ក្រុង​ដូន​កែវ​ - សម្តេច​តេជោ ហ៊ុន សែន ​អញ្ជើញ​បើក​យុទ្ធនាការ ចាក់​វ៉ាក់សាំង​បង្ការ​ជំងឺ​កូវី​ដ​-១៩ ជូន​កុមារ​អាយុ ៦​ឆ្នាំ ដល់ ១២​ឆ្នាំ​ - ​ឧត្តមសេនីយ៍ឯក រ័ត្ន ស្រ៊ាង បាន​បន្ត​ចាត់​ក្រុមការងារ នាំយក​ស្បៀង​ឧបត្ថម្ភ​ដល់​ប្រជាពលរដ្ឋ​១៥​នាក់​ទៀត ជាប់​ពាក់ព័ន្ធ ជាមួយ​បុគ្គល​វិជ្ជមាន​ជំងឺ​កូវី​ដ​-១៩ ក្នុង​សង្កាត់​ព្រែកកំពឹស ! - ​ឯកឧត្តម អ៊ូច ភា ជួបពិភាក្សា​ជាមួយ​តំណាង​ក្រសួង​សុខាភិបាល ដើម្បី​គ្រោង​បិទ​បញ្ចប់​យុទ្ធនាការ​ចាក់​វ៉ាក់សាំង​បង្ការ​ជំងឺ​កូវី​ដ​១៩ ដូសទី​១ ជូន​ពលរដ្ឋ​ចាប់ពី​អាយុ ១៨​ឆ្នាំ​ឡើង នៅក្នុង​ភូមិសាស្ត្រ​ខេត្តតាកែវ​

​សម្តេច​តេជោ ហ៊ុន សែន អញ្ជើញ​ទទួល​វ៉ាក់សាំង​ជំនួយ​របស់​ជប៉ុន នៅ​អាកាសយានដ្ឋាន​អន្តរជាតិ​ភ្នំពេញ​

នៅ​រាត្រី ថ្ងៃ​សុក្រ ១៤​កើត ខែ​ទុតិយាសាឍ ឆ្នាំ​ឆ្លូវ ត្រី​ស័ក ព​.​ស​. ២៥៦៥ ត្រូវ​នឹង ថ្ងៃទី​២៣ ខែកក្កដា ឆ្នាំ​២០២១​នះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ទៅ​ទទួល​ដោយផ្ទាល់​នូវ​ការមកដល់ វ៉ាក់សាំង​ជំងឺ​កូវី​ដ​១៩ ដែលជា​ជំនួយ​របស់​រដ្ឋាភិបាល និង​ប្រជាជន​ជប៉ុន នៅ​អាកាសយានដ្ឋាន​អន្តរជាតិ​ភ្នំពេញ​។​

​រដ្ឋាភិបាល​ជប៉ុន កាលពី​ថ្ងៃ​ទី​១៣ ខែកក្កដា កន្លងទៅនេះ បាន​ប្រកាស​ផ្តល់​វ៉ាក់សាំង​ប្រឆាំង​ជំងឺ​កូវី​ដ​១៩ អា​ស្ត្រា​ហ្សេ​នីកា (AstraZeneca) ចំនួន ១​លាន​ដូស ដល់​រាជរដ្ឋាភិបាល និង​ប្រជាជន​កម្ពុជា ហើយ​នៅ​រាត្រី​នេះ វ៉ាក់សាំង​ជំនួយ​របស់​ជប៉ុន ដែល​ដឹក​មក​កម្ពុជា​នា​ពេល​នេះ មាន​ចំនួន ៣៣​ម៉ឺន​ដូស ហើយ​ចំនួន​នៅសល់​នឹង​ដឹក​មក​ជា​បន្តបន្ទាប់​ទៀត​។​

​ឯកឧត្តម មិ​កាមិ ម៉ាសា​ហ៉ី​រ៉ូ ( MIKAMI Masahiro ) ឯកអគ្គរាជទូត​ជប៉ុន​ប្រចាំ​នៅ​កម្ពុជា បាន​ថ្លែងថា​ការផ្ដល់​ជំនួយ​វ៉ាក់សាំង​ចំនួន ១​លាន​ដូស នេះ​ធ្វើឡើង​ស្របតាម​ចំណង​មិត្តភាព​រវាង ជប៉ុន និង​កម្ពុជា និង​ដោយ​ផ្អែក​លើ​ស្ថានភាព​កូវី​ដ​១៩ នៅ​កម្ពុជា​នាពេល​បច្ចុប្បន្ន​។ ឯកឧត្តម បាន​បង្ហាញ​ក្តីសង្ឃឹម​ថា ជំនួយ​វ៉ាក់សាំង​នេះ នឹង​ជួយ​គាំទ្រ​ដល់​កិច្ចខិតខំ​ប្រឹងប្រែង​របស់​រាជរដ្ឋាភិបាល​ក​ម្ពុ​ជា ក្នុង​ការប្រយុទ្ធប្រឆាំង​នឹង​កូវី​ដ​១៩ ក៏ដូចជា​កាត់បន្ថយ​ការព្រួយបារម្ភ​មួយចំនួន របស់​ប្រជាជន​កម្ពុជា​។ ឯកអគ្គរាជទូត បាន​គូសបញ្ជាក់ថា ក្នុង​ការប្រយុទ្ធប្រឆាំង​នឹង​កូវី​ដ​១៩​ដែល​ជា​បញ្ហា​ពិភពលោក​នេះ ជប៉ុន​នឹង​បន្ត​សហការ និង​ធ្វើការ​រួមគ្នា​ជាមួយ​កម្ពុជា​ដែល​ជា​មិត្ត​ដ៏​សំខាន់​។​

​សម្ដេច​តេជោ ហ៊ុន សែន បាន​ថ្លែងអំណរគុណ​ដល់​រាជរដ្ឋាភិបាល​ក៏ដូចជា​ប្រជាជន​ជប៉ុន​ដែល​តែងតែ​ជួយ​ដល់​ប្រទេស​កម្ពុជា ជាពិសេស​អរគុណ​ចំពោះ​ការផ្ដល់​អំណោយ​ជា​វ៉ាក់សាំង​១​លាន​ដូស​នាពេល​នេះ​សម្រាប់​រដ្ឋាភិបាល ក៏ដូចជា​ប្រជាជន​កម្ពុជា​ដើម្បី​ទប់ស្កាត់​ការឆ្លង​រីក​រាលដាល​នៃ​ជំងឺ​កូវី​ដ​១៩​។

​សម្តេច​តេជោ​នាយករដ្ឋមន្ត្រី​បាន​មានប្រសាសន៍ថា ថ្មីៗ​នេះ​, រាជដ្ឋាភិបាល​កម្ពុជាក៏​បាន​ដាក់ចេញ​នូវ​យុទ្ធសាស្ត្រ​ចំនួន ០៦ ដើម្បី​ប្រយុទ្ធ និង​ទប់ស្កាត់​ការឆ្លង​រាលដាល​នៃ​ជំងឺ​កូវី​ដ​-១៩ ផងដែរ​
​ដែល​ក្នុងនោះ​រួមមាន​៖
១)​បន្ត​ទប់ស្កាត់​ការនាំ​ចូល​នូវ​មេ​រោគកូ​វីដ​-១៩ បំប្លែង​ថ្មី​
២)​កាត់បន្ថយ​ទំហំ​តំបន់​ឆ្លង និង​ចំនួន​ឆ្លង​ឱ្យមាន​កម្រិត​ទាប​
៣)​បន្ត​ខិតខំ​ព្យាបាល​អ្នក​ឆ្លង​ឱ្យបាន​ជា​សះស្បើយ និង​កាត់បន្ថយ​អត្រា​អ្នកស្លាប់​
៤)​រុករក និង​គ្រប់គ្រង​ករណី​ពាក់ព័ន្ធ​នឹង​ជំងឺ​កូវី​ដ​-១៩
៥)​ការរៀបចំ​បូជាសព​និង​បញ្ចុះសព​អ្នកស្លាប់​ឱ្យបាន​ល្អ​ប្រសើរ និង
៦)​ជំរុញ​យុទ្ធនាការ​ចាក់​វ៉ាក់សាំង ។​

​នៅ​រាត្រី​នេះ សម្តេច​តេជោ​នាយករដ្ឋមន្ត្រី​បានប្រកាសបើក​យុទ្ធនាការ​ចាក់​វ៉ាក់សាំ​ង​ជូន​កុមារ និង យុវវ័យ អាយុ​១២​ឆ្នាំ ដល់ ១៧​ឆ្នាំ ហើយ​សម្តេច​នឹង​អញ្ជើញ​ជា​អធិបតីភាព បើក​យុទ្ធនាការ​នេះ​នៅ​មន្ទីរពេទ្យ​កាល់ម៉ែត ព្រម​ទាំង​នឹង​នាំ​ចៅៗ​របស់​សម្តេច​ដែល​មាន​អាយុ​ចាប់ពី​១២​ឆ្នាំ​ឡើង​ទៅ ទៅ​ទទួល​វ៉ាក់សាំង​។ សម្តេច​តេជោ​បាន​ប្រកាស​ថា​ទោះបី​តម្លៃ​ណាក៏ដោយ កម្ពុជា​ត្រូវតែ​ចាក់​វ៉ាក់សាំង​ការពារកូ​វីដ​១៩​ជូន​ប្រជាពលរដ្ឋ​ឲ្យបាន​ជោគជ័យ​។

​សម្តេច​តេជោ​នាយករដ្ឋមន្ត្រី បាន​ជំរុញ​ឱ្យ​ក្រសួង​ពាក់ព័ន្ធ បន្ត​អនុវត្ត​វិធានការ​សុខាភិបាល និង​រួម​គ្នា​ប្រយុទ្ធ​ប្រឆាំង​ជំងឺ​កូវី​ដ​១៩ បន្តទៀត និង​អំពាវនាវ​ដល់​ប្រជាពលរដ្ឋ​ឱ្យ​បន្ត​អនុវត្ត​វិធានការ​សុខាភិបាល ដើម្បី​រួម​គ្នា​ទប់ស្កាត់​ជំងឺ​កូវី​ដ​១៩ និង​ស្រោចស្រង់​សង្គម​កម្ពុជា​ឡើង​វិញ​នាពេលខាងមុខ​៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2021 Trortrung Cheat | ទ្រទ្រង់ជាតិ. All rights reserved. XHTML / CSS Valid.