ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្ដេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត អញ្ជើញ​ទទួល​ព្រះរាជដំណើរ​ព្រះមហាក្សត្រ និង​សម្តេចម៉ែ​យាង​និវត្តន៍​ពី​ប្រទេស​ចិន​ - ​វ៉ាក់សាំង​កូវី​ដ​១៩ ចំនួន​៣​លាន​ដូ​សទៀត បាន​ដឹក​មកដល់​ប្រទេស​កម្ពុជា​ហើយ​ - សេចក្តីសម្រេច​របស់​រា​ជ​រដ្ឋាភិបាល​កម្ពុជា ស្តីពី ការផ្អាក​ការរៀបចំ​ពិធី​បុណ្យកាន់បិណ្ឌ និង​ភ្ជុំបិណ្ឌ ដើម្បី ​ទប់ស្កាត់​ការឆ្លង​រាលដាល​នៃ​ជំងឺ​កូវី​ដ​-១៩ - ឯកឧត្តម អ៊ូច ភា អញ្ជើញ​ប្រកាស​បើក​ដំណើរការ​សាកល្បង​សាលា រៀន​ដែលមាន​ហានិភ័យ​ទាប ថ្នាក់​ទី​៩ និង​ថ្នាក់​ទី​១២ នៅ​ទូទាំង​ខេត្តតាកែវ ព្រមទាំង​នាំយក​អំណោយ​ម៉ាស់ របស់​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហម ផ្ដល់ជូន​សិស្សានុសិស្ស​ - ឯកឧត្តម ប៉ាន សូរ​ស័ក្តិ ការពារ​សេចក្តីព្រាងច្បាប់ ក្នុង​សម័យប្រជុំ​ព្រឹទ្ធសភា លើក​ទី​៧ នីតិកាល​ទី​៤ - ឯកឧត្តម​អភិបាលខេត្ត​តាកែវ អញ្ជើញ​ប្រកាស​បើក​យុទ្ធនាការ​ចាក់​វ៉ាក់សាំង​ការពារ​ជំងឺ​កូវី​ដ​១៩ ដល់​កុមារ ចាប់ពី​អាយុ ៦​ឆ្នាំ ដល់​អា​ក្រោម ១២​ឆ្នាំ នៅ​ភូមិសាស្ត្រ​ខេត្តតាកែវ​ - ឯកឧត្តម​អភិបាលខេត្ត​តាកែវ អញ្ជើញ​ដាំ​កូន​ឈើ​នៅ​សួនច្បារ​សម្ដេច​វិបុល​បញ្ញា សុខ​អាន ក្នុង​ក្រុង​ដូន​កែវ​ - សម្តេច​តេជោ ហ៊ុន សែន ​អញ្ជើញ​បើក​យុទ្ធនាការ ចាក់​វ៉ាក់សាំង​បង្ការ​ជំងឺ​កូវី​ដ​-១៩ ជូន​កុមារ​អាយុ ៦​ឆ្នាំ ដល់ ១២​ឆ្នាំ​ - ​ឧត្តមសេនីយ៍ឯក រ័ត្ន ស្រ៊ាង បាន​បន្ត​ចាត់​ក្រុមការងារ នាំយក​ស្បៀង​ឧបត្ថម្ភ​ដល់​ប្រជាពលរដ្ឋ​១៥​នាក់​ទៀត ជាប់​ពាក់ព័ន្ធ ជាមួយ​បុគ្គល​វិជ្ជមាន​ជំងឺ​កូវី​ដ​-១៩ ក្នុង​សង្កាត់​ព្រែកកំពឹស ! - ​ឯកឧត្តម អ៊ូច ភា ជួបពិភាក្សា​ជាមួយ​តំណាង​ក្រសួង​សុខាភិបាល ដើម្បី​គ្រោង​បិទ​បញ្ចប់​យុទ្ធនាការ​ចាក់​វ៉ាក់សាំង​បង្ការ​ជំងឺ​កូវី​ដ​១៩ ដូសទី​១ ជូន​ពលរដ្ឋ​ចាប់ពី​អាយុ ១៨​ឆ្នាំ​ឡើង នៅក្នុង​ភូមិសាស្ត្រ​ខេត្តតាកែវ​

​សម្ដេច​តេជោ ហ៊ុន សែន សម្រេច​ឲ្យ​ចាក់​ដូសទី​៣ ដល់​ប្រជាពលរដ្ឋ​ខ្មែរ ដោយ​ប្រើប្រាស់​វ៉ាក់សាំង AstraZeneca ជា​ដូស​ជំរុញ​

(​ភ្នំពេញ​)៖ សម្ដេច​តេជោ ហ៊ុន សែន នាយករដ្ឋមន្ដ្រី​នៃ​កម្ពុជា នៅ​ព្រឹក​ថ្ងៃទី​០១ ខែ​សីហា ឆ្នាំ​២០២១​នេះ បានប្រកាស​សម្រេច​ឲ្យ​ចាក់​ដូសទី​៣ ដល់​ប្រជាពលរដ្ឋ​ខ្មែរ​គ្រប់រូប ដែល​បាន​ចាក់​ដូសទី​២​រួចរាល់​។ ការចាក់​ដូ​សទី​៣​នេះ គឺ​ប្រើប្រាស់​វ៉ាក់សាំង AstraZeneca ជា​ដូស​ជំរុញ ដើម្បី​បង្កើន​ប្រសិទ្ធភាព​ការពារ និង​បង្ការ​ជំងឺ​កូវី​ដ​១៩​។​

​ក្នុងឱកាស​អញ្ជើញ​ប្រកាស​បើក​យុទ្ធនាការ ចាក់​វ៉ាក់សាំង​កូវី​ដ​១៩ ជូន​ក្មេង និង​យុវវ័យ អាយុ​ចាប់ពី​១២​ឆ្នាំ ទៅ​ក្រោម ១៨​ឆ្នាំ​នៅ​វិមាន​សន្តិភាព សម្ដេច​តេជោ ហ៊ុន សែន ក៏​បញ្ជា​ឲ្យ​ស្ថាប័ន​ពាក់ព័ន្ធ ត្រូវ​រួមគ្នា​ខិតខំ​ស្វែងរក​ទិញ​វ៉ាក់សាំង AstraZeneca បន្ថែម​ដើម្បី​ត្រៀម​ចាក់​ដូសទី​៣ ជូន​ប្រជាពលរដ្ឋ​។​

​ពេលវេលា​សម្រាប់​ដំណើរការ​ចាក់​វ៉ាក់សាំង​ដូសទី​៣ ឬ​ដូស​ជំរុញ​នេះ សម្ដេច​តេជោ ហ៊ុន សែន បាន​បង្ហើប​ថា អាច​ដំណើរការ​ចាប់ពី​ថ្ងៃ​ទី​០២ ខែ​សីហា ឆ្នាំ​២០២១​ស្អែក​នេះ​ក៏​បាន​ដែរ ព្រោះ​វ៉ាក់សាំង AstraZeneca នេះ​ក៏​មាន​ត្រៀម​នៅក្នុង​ដៃ​មួយចំនួន​ដែល​រួចហើយ​។​

​សម្ដេច​តេជោ ហ៊ុន សែន បាន​មានប្រសាសន៍​យ៉ាង​ដូច្នេះ​ថា «​ម្សិលមិញ​ខ្ញុំ​បាន​យក​ការសម្រេច​ហើយ អនុញ្ញាត​ឲ្យ​ចាក់​ដូសទី​៣ ឬ​ដូស​ជំរុញ ហើយ​ប្រើប្រាស់​វ៉ាក់សាំង AstraZeneca ធ្វើ​ជា​ដូស​ជំរុញ​។ អ្នក​ដែល​បាន​ចាក់​ស៉ីណូ​ហ្វាម ឬ​ស៉ីណូ​វ៉ាក់ ត្រូវយក AstraZeneca ធ្វើ​ជា​ដូស​ជំរុញ​»​។​

​យ៉ាងណាមិញ សម្រាប់​អ្នក​ដែល​ទទួលបាន​នូវ​អាទិភាព​ក្នុង​ការចាក់​ដូ​សទី​៣ ឬ​ដូស​ជំរុញ​នេះ ត្រូវបាន​សម្ដេច​តេជោ ហ៊ុន សែន បញ្ជាក់ថា គឺ​ក្រុម​ជួរ​មុខ​ជា​មុន ដែល​មាន​ចំនួន​ប្រមាណ​៥០​ម៉ឺន​នាក់ ទៅ​១​លាន​នាក់​។ ក្នុងករណី​ត្រឹម​៥០​ម៉ឺន ទៅ​១​លាន​នាក់​នេះ គឺ​ប្រើប្រាស់​វ៉ាក់សាំង​មកពី​អង់គ្លេស និង​មក​ពី​ជប៉ុន គឺ​គ្រប់គ្រាន់​ហើយ​។​

​ពាក់ព័ន្ធ​ការងារ​នេះ សម្ដេច​តេជោ ហ៊ុន សែន បាន​បញ្ជា​ឲ្យ​បញ្ជូន​វ៉ាក់សាំង AstraZeneca ទៅ​អនុវត្ត​នៅ​ខ្សែត្រៀម​ជួរ​មុខ​តាម​ព្រំដែន​កម្ពុជា​-​ថៃ ដែល​មាន​វីរុស​កូវី​ដ​បំ​ប្លែង​ថ្មី Delta កំពុង​វាយលុក​ច្រើន​។ សម្ដេច​តេជោ​នាយករដ្ឋមន្ដ្រី បាន​បន្ថែមទៀតថា វ៉ាក់សាំង AstraZeneca ដែល​កំពុង​មាន​ក្នុង​ដៃ ត្រូវ​ត្រៀម​សម្រាប់​ប្រើប្រាស់​ចាក់ដូស​ជំរុញ​នេះ​។​

​ដើម្បី​បង្កលក្ខណៈ​ឲ្យ​ការប្រើប្រាស់​នេះ​គ្រប់គ្រាន់​តែ​តម្រូវការ សម្ដេច​តេជោ ហ៊ុន សែន ក៏​បាន​បញ្ជា​ទៅ​កាន់​លោក វង្សី វិស្សុត រដ្ឋមន្ដ្រី​ប្រតិភូ​អម​នាយករដ្ឋមន្ដ្រី និង​ជា​រដ្ឋលេខាធិការ​ប្រចាំការ​ក្រសួង​សេដ្ឋកិច្ច និង​ហរិញ្ញវត្ថុ ត្រៀម​រក​ទិញ​វ៉ាក់សាំង AstraZeneca តាមរយៈ យន្ដការ​កូវ៉ាក់ ឬ​ទាក់ទង​ទៅ​រោងចក្រ​ផ្ទាល់​តែម្ដង​។​

​ជាមួយគ្នានេះ សម្ដេច​តេជោ ហ៊ុន សែន ក៏​បាន​ណែនាំ​ឲ្យ​អនុគណៈកម្មការ​ស្រាវជ្រា​វ ត្រូវ​សិក្សា​ស្រាវជ្រាវ​រក​វ៉ាក់សាំង​ប្រភេទ​ណា សម្រាប់​ចាក់​ដូសទី​៣ ដល់​អ្នក​ចាក់​ដែល​បាន​ចាក់​វ៉ាក់សាំង AstraZeneca រួចរាល់​។ បើ​តាម​ការគិត​ផ្ទាល់ខ្លួន​របស់​សម្ដេច ប្រហែល​អាច​ប្រើប្រាស់​វ៉ាក់សាំង​ស៉ីណូ​ហ្វាម ឬ​ស៉ីណូ​វ៉ាក់ តែ​សម្រេច​យ៉ាងណា​អាស្រ័យ​លើ​អ្នកជំនាញ​សុខាភិបាល​សិក្សា​ឲ្យបាន​ច្បាស់លាស់​ជា​មុន​សិន​៕
Credit: Fresh News

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2021 Trortrung Cheat | ទ្រទ្រង់ជាតិ. All rights reserved. XHTML / CSS Valid.