ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្ដេច​តេជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត អញ្ជើញ​ទទួល​ព្រះរាជដំណើរ​ព្រះមហាក្សត្រ និង​សម្តេចម៉ែ​យាង​និវត្តន៍​ពី​ប្រទេស​ចិន​ - ​វ៉ាក់សាំង​កូវី​ដ​១៩ ចំនួន​៣​លាន​ដូ​សទៀត បាន​ដឹក​មកដល់​ប្រទេស​កម្ពុជា​ហើយ​ - សេចក្តីសម្រេច​របស់​រា​ជ​រដ្ឋាភិបាល​កម្ពុជា ស្តីពី ការផ្អាក​ការរៀបចំ​ពិធី​បុណ្យកាន់បិណ្ឌ និង​ភ្ជុំបិណ្ឌ ដើម្បី ​ទប់ស្កាត់​ការឆ្លង​រាលដាល​នៃ​ជំងឺ​កូវី​ដ​-១៩ - ឯកឧត្តម អ៊ូច ភា អញ្ជើញ​ប្រកាស​បើក​ដំណើរការ​សាកល្បង​សាលា រៀន​ដែលមាន​ហានិភ័យ​ទាប ថ្នាក់​ទី​៩ និង​ថ្នាក់​ទី​១២ នៅ​ទូទាំង​ខេត្តតាកែវ ព្រមទាំង​នាំយក​អំណោយ​ម៉ាស់ របស់​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហម ផ្ដល់ជូន​សិស្សានុសិស្ស​ - ឯកឧត្តម ប៉ាន សូរ​ស័ក្តិ ការពារ​សេចក្តីព្រាងច្បាប់ ក្នុង​សម័យប្រជុំ​ព្រឹទ្ធសភា លើក​ទី​៧ នីតិកាល​ទី​៤ - ឯកឧត្តម​អភិបាលខេត្ត​តាកែវ អញ្ជើញ​ប្រកាស​បើក​យុទ្ធនាការ​ចាក់​វ៉ាក់សាំង​ការពារ​ជំងឺ​កូវី​ដ​១៩ ដល់​កុមារ ចាប់ពី​អាយុ ៦​ឆ្នាំ ដល់​អា​ក្រោម ១២​ឆ្នាំ នៅ​ភូមិសាស្ត្រ​ខេត្តតាកែវ​ - ឯកឧត្តម​អភិបាលខេត្ត​តាកែវ អញ្ជើញ​ដាំ​កូន​ឈើ​នៅ​សួនច្បារ​សម្ដេច​វិបុល​បញ្ញា សុខ​អាន ក្នុង​ក្រុង​ដូន​កែវ​ - សម្តេច​តេជោ ហ៊ុន សែន ​អញ្ជើញ​បើក​យុទ្ធនាការ ចាក់​វ៉ាក់សាំង​បង្ការ​ជំងឺ​កូវី​ដ​-១៩ ជូន​កុមារ​អាយុ ៦​ឆ្នាំ ដល់ ១២​ឆ្នាំ​ - ​ឧត្តមសេនីយ៍ឯក រ័ត្ន ស្រ៊ាង បាន​បន្ត​ចាត់​ក្រុមការងារ នាំយក​ស្បៀង​ឧបត្ថម្ភ​ដល់​ប្រជាពលរដ្ឋ​១៥​នាក់​ទៀត ជាប់​ពាក់ព័ន្ធ ជាមួយ​បុគ្គល​វិជ្ជមាន​ជំងឺ​កូវី​ដ​-១៩ ក្នុង​សង្កាត់​ព្រែកកំពឹស ! - ​ឯកឧត្តម អ៊ូច ភា ជួបពិភាក្សា​ជាមួយ​តំណាង​ក្រសួង​សុខាភិបាល ដើម្បី​គ្រោង​បិទ​បញ្ចប់​យុទ្ធនាការ​ចាក់​វ៉ាក់សាំង​បង្ការ​ជំងឺ​កូវី​ដ​១៩ ដូសទី​១ ជូន​ពលរដ្ឋ​ចាប់ពី​អាយុ ១៨​ឆ្នាំ​ឡើង នៅក្នុង​ភូមិសាស្ត្រ​ខេត្តតាកែវ​

រដ្ឋបាល​រាជធានី​ភ្នំពេញ​ទទួលបាន​អំណោយ​ជា​គ្រឿងឧបភោគ​បរិភោគ​និង​ថវិកា​ពី​ឯកឧត្តម ហ៊ុន ម៉ា​នី​និង​លោកជំទាវ​សម្រាប់​ប្រគល់ជូន​ប្រជា​ការពារ​ខណ្ឌ​និង​សង្កាត់​ទាំង​១០៥​ក្នុង​រាជធានី​ភ្នំពេញ​

​រាជធានី​ភ្នំពេញ ៖ អំណោយ​ជា​គ្រឿងឧបភោគ បរិភោគ ជាមួយ​ថវិកា​មួយចំនួន ត្រូវបាន ឯកឧត្តម ហ៊ុន ម៉ា​នី ប្រធាន​គណៈកម្មការ​ទី​៧ នៃ​រដ្ឋសភា និង​ជា​ប្រធាន​សហភាព​សហព័ន្ធ​យុវជន​កម្ពុជា និង​លោកជំទាវ យឹម ឆៃ​លីន ប្រគល់ជូន រដ្ឋបាល​រាជធានី​ភ្នំពេញ ដើម្បី​ផ្ដល់​ជូន​ទៅ​ឲ្យ​បងប្អូន​ជា​ប្រជា​ការពារ​ខណ្ឌ និង​សង្កាត់​ទាំង​១០៥ ទូទាំង​រាជធានី​ភ្នំពេញ ដើម្បី​សម្រួល​ដោះស្រាយ​ការលំបាក ខណៈ​ដែល​រាជធានី​ភ្នំពេញ កំពុង​ប្រឈមមុខ​នឹង​ការរីក​រាលដាល​ជំងឺ​កូវី​ដ​-១៩​។​

​ពិធី​ប្រគល់ និង​ទទួល​អំណោយ​ខាងលើ​នេះ បាន​ធ្វើឡើង​នា​ព្រឹក​ថ្ងៃ​ទី​២៣ ខែ​សីហា ឆ្នាំ​២០២១ ក្រោម​វត្តមាន ឯកឧត្តម ហ៊ុន ម៉ា​នី និង​លោកជំទាវ និង​ឯកឧត្តម ឃួ​ង ស្រេង អភិបាល នៃ​គណៈ​អភិបាល​រាជធានី​ភ្នំពេញ ដោយ​មាន​ការចូលរួម​ពី​អភិបាល​ខណ្ឌ​ទាំង​១៤ នៅ​សាលា​រាជធានី​ភ្នំពេញ​។​

​ឯកឧត្តម ឃួ​ង ស្រេង អភិបាល នៃ​គណៈ​អភិបាល​រាជធានី​ភ្នំពេញ ក្នុងឱកាស​នោះ​បាន​មានប្រសាសន៍​ថ្លែង​នូវ​អំណរគុណ​យ៉ាង​ជ្រាលជ្រៅ​ចំពោះ ឯកឧត្តម ហ៊ុន ម៉ា​នី និង​លោកជំទាវ ដែល​បាន​ឧបត្ថម្ភ​នូវ​គ្រឿងឧបភោគ​បរិភោគ និង​ថវិកា​ខាងលើនេះ ជូន​ដល់​បងប្អូន​ប្រជា​ការពារ​ខណ្ឌ និង​សង្កាត់​ទាំង​១០៥ ដែលមាន​ចំនួន​រហូត​ដល់​៣.០៥២​កញ្ចប់ ដែល​ក្នុង​១​កញ្ចប់​មាន​ថវិកា​ចំនួន​២​ម៉ឺន​រៀល មី​១​កេស​តូច ទឹកដោះគោ​ខាប់​៤​កំប៉ុង ថ្នាំ​នឹង​ច្រាស​ដុសធ្មេញ​១​ឈុត និង​សាប៊ូ​លុច​១​ដុំ (​សម្រាប់​ប្រជា​ការពារ​ម្នាក់ៗ​)​។​

​ឯកឧត្តម ឃួ​ង ស្រេង បាន​មានប្រសាសន៍​លើកឡើង​ទៀត​ថា ៖ ពាក់ព័ន្ធ​នឹង​ការទប់ស្កាត់​ការរីក​រាលដាល​ជំងឺ​កូវី​ដ​-១៩​នេះ តាម​ការចង្អុល​ណែនាំ​ពី​សម្ដេច​តេជោ ហ៊ុន សែន រដ្ឋបាល​រាជធានី​ភ្នំពេញ អាជ្ញាធរ​ខណ្ឌ សង្កាត់​ទាំងអស់ បាន​យកចិត្តទុកដាក់​យ៉ាងខ្លាំង ដើម្បី​ទប់ស្កាត់​នូវ​ការរីក​រាលដាល​ជំងឺ​កូវី​ដ​-១៩​នេះ​។​
​ឯកឧត្តម​បាន​បញ្ជាក់ថា ៖ រាជធានី​ភ្នំពេញ​បាន​ផ្ទុះ​ការរីក​រាលដាល​កូវី​ដ​-១៩​ខ្លាំង ពី​ព្រឹត្តិការណ៌​សហគមន៍​២០​កុម្ភៈ ហើយ​បាន​ស្រាកស្រាន្ត​ទៅវិញ​នៅក្នុង​ចុង​ខែ​មិថុនា​នេះ​។
​ក្នុង​ព្រឹត្តិការណ៍​នេះ សម្ដេច​តេជោ ក្រៅពី​ខិតខំ​ប្រឹងប្រែង​ក្នុង​ការទប់ស្កាត់​ការរីក​រាលដាល​ជំងឺ​កូវី​ដ​-១៩​ហើយ​នោះ សម្តេច​តេជោ នូវបាន​ស្វះស្វែង​រក​វ៉ាក់សាំង​មកចាក់​ជូន​ប្រជាពលរដ្ឋ​ថែម​ទៀត ដែល​ធ្វើឱ្យ​ជំងឺ​កូវី​ដ​-១៩​មានការ​ថយចុះ​យ៉ាង​ខ្លាំង​។​

​ឯកឧត្តម​បញ្ជាក់ថា ៖ ថ្ងៃទី​២២ ខែ​សីហា ឆ្នាំ​២០២១ ម្សិលមិញ​នេះ ជំងឺ​កូវី​ដ​-១៩ នៅ​រាជធានី​ភ្នំពេញ បាន​កើតមានឡើង​តែ​៦៨​នាក់​ប៉ុណ្ណោះ​។ ប៉ុន្តែ​ទោះបីជា​យ៉ាងណាក្តី ឯកឧត្តម​បាន​ជំរុញ​ឲ្យ​អាជ្ញាធរ​ខណ្ឌ​ទាំង​១៤ សង្កាត់​ទាំង​១០៥ ត្រូវ​បន្ត​យកចិត្តទុកដាក់ ដើម្បី​ទប់ស្កាត់​នូវ​ការរីក​រាលដាល​ជំងឺ​កូវី​ដ​-១៩ ឱ្យ​កាន់តែ​ល្អប្រសើរ​ឡើង​ថែម​ទៀត​។​

​ឯកឧត្តម ហ៊ុន ម៉ា​នី ក្នុងឱកាស​នោះ បាន​មានប្រសាសន៍ ថ្លែង​ការកោតសរសើរ​យ៉ាង​ខ្លាំង​ចំពោះ​រដ្ឋបាល​រាជធានី​ភ្នំពេញ អាជ្ញាធរ​ខណ្ឌ សង្កាត់ ភូមិ កងកម្លាំងប្រដាប់អាវុធ​ទាំ​ងាំង​អស់ ដែល​បាន​លះបង់​កម្លាំងកាយ​ចិត្ត លះបង់​សេចក្តីសុខ​របស់​ខ្លួន ចូលរួម​ក្នុង​ការទប់ស្កាត់​ជំងឺ​កូវី​ដ​-១៩​នេះ ដោយ​មិន​គិតពី​ថ្ងៃ​អាទិត្យ ឬ​ថ្ងៃ​ឈប់​សម្រាក​ឡើយ​។ ប៉ុន្តែ​ទោះបីជា​យ៉ាងណាក្តី ឯកឧត្តម ហ៊ុន ម៉ា​នី ក៏​នៅតែ​ជំរុញ​ឲ្យ​អាជ្ញាធរ កងកម្លាំងប្រដាប់អាវុធ​ទាំងអស់ បន្ត​យកចិត្តទុកដាក់​បន្ថែម​ទៀត ដោយហេតុ​ថា កូវី​ដ​-១៩ វា​មិន​បញ្ចប់​ត្រឹមនេះ​ទេ វា​នឹង​បន្ត​រស់នៅ​ជាមួយ​យើង​ទៅ​មុខ​ទៀត​ដែល​យើង​ត្រូវតែ​រួមគ្នា​ដើម្បី​ទប់ស្កាត់​ឲ្យបាន​។​

​ឯកឧត្តម​បញ្ជាក់​ផងដែរ​ថា ៖ ការផ្ដល់​អំណោយ​ជូន​រដ្ឋបាល​រាជធានី​ភ្នំពេញ​នៅ​ពេល​នេះ គឺជា​អំណោយ​របស់​ឯកឧត្តម​និង​លោកជំទាវ ព្រមទាំង​សប្បុរសជន ហើយ​នេះ​មិនមែន​ជា​លើក​ទី​១​ទេ ហើយ​ក៏​មិនមែន​ជា​លើកចុងក្រោយ​ដែរ​៕
​ប្រភព​៖ រដ្ឋបាល​រាជធានី​ភ្នំពេញ​

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2021 Trortrung Cheat | ទ្រទ្រង់ជាតិ. All rights reserved. XHTML / CSS Valid.