ខេត្តមណ្ឌលគីរី ៖ សិប្បកម្មដ៏ធំមួយកន្លែង្ដែលមានទីតាំងនៅក្នុងសង្កាត់សុខដុម ក្រុងសែនមនោរម្យ ខេត្តមណ្ឌលគីរី ត្រូវបានកំលាំងចម្រុះ ដឹកនាំផ្ទាល់ដោយលោកសូរ សុខវិជ្ជាព្រះរាជអជ្ញារងអមសាលាដំបូងខេត្ត សហការ ជាមួយកំលាំងជំនាញរដ្ឋបាលព្រៃឈើ ខេត្តមណ្ឌលគីរី បានចុះបង្ក្រាបនៅរសៀលម៉ោង 2.30ថ្ងៃទី 19ខែ សីហា ឆ្នាំ2015។
ការចុះបង្ក្រាបនេះ កំលាំងជំនាញបានរកឃើញឈើគ្រប់ប្រភេទជាច្រើន ម៉ែត្រគូបនៅក្នុងផ្ទះសិប្បកម្ម។បើតាមប្រភពពីបងប្អូនប្រជាពលរដ្ឋ ដែលរស់នៅជិតផ្ទះសិប្បកម្មខាងលើ បានអោយសារព័ត៌មាន យើងដឹងថា បើគិតមកដល់ថ្ងៃដែលសមត្ថកិច្ច ចុះមកបង្ក្រាបនេះវាដូចជាចង់យ៊ឺតពេលបន្តិចទៅហើយ ព្រោះអីសិប្បកម្មខាងលើនេះដំណើរការមកជាយូរហើយ ក៏គ្មានមន្ត្រីជំនាញណាយកភ្នែកមើលនិង អើពើដែរ អាចមកពីហេតុផលអ្វីម្យាងក៏មិនដឹង។ ព្រោះអីគេស្គាល់ច្បាស់ថា សិប្បកម្មមួយកន្លែងនេះ មានម្ចាស់ឈ្មោះ (យ៉ត) ជាកូនប្រសារលោកអភិបាលរងខេត្ត និងមានជនជាតិយួនជាច្រើននាក់ជាអ្នក ធ្វើតុ ទូ សាឡុង គ្រែ និងអាចលាក់ឈើជាច្រើនសម្រាប់ជាជុំនួញទៀតផង។
គួរបញ្ជាក់ដែរថា ការចុះបង្ក្រាបនេះគឺមិនមែនមេព្រៃ នៅក្នុងខេត្តជាអ្នកចាប់ផ្តើមនោះទេ គឺមានមេព្រៃថ្នាក់ កណ្តាលមួយរូបឈ្មោះ កែវ ជាអ្នកអនុវត្តផ្ទាល់ដៃ ទើបបានជាបែកធ្លាយសំបុកដ៏មហិមារនេះ។ រឿងសិប្បកម្មរីកដុះដាលដូចផ្សិតនៅគ្រប់ស្រុក ទូទាំងខេត្តមណ្ឌលគីរី មិនមែនមានតែមួយកន្លែងនេះទេ បើយើងក្រលេកមើលទៅដល់ភូមិដេអេ ឃុំពូជ្រៃ ស្រុកពេជ្រាដា ស្រុកកោះញែកខេត្តមណ្ឌលគីរី វាហាក់បីដូចជាមានការអោយភ្លើងពណ៌ខៀវ ពីមន្ត្រីជំនាញហើយក៏មិនឈឺក្បាល ហាលងៀតជាមួយអ្នក ណាឡើយ។បើយើងសុំការបំភ្លឺពីអស់លោកមេព្រៃ អស់លោកមេព្រៃគាត់មានប្រសាសន៍ថា ចាំគាត់ចាត់ កំលាំងចុះទៅពិនិត្យ និងមានវិធានការទៅលើសកម្មភាពនោះ អោយមានប្រសិទ្ធិភាព។ (ប៉ារ៉ូល)ដដែលៗ នេះវាជាហេតុផលមួយ ដែលបងប្អូនប្រជាពលរដ្ឋគាត់ គ្មានជំនឿទាល់តែសោះទៅលើជំនាញ និង សមត្ថកិច្ច។
យើងនឹងរង់ចាំមើលបន្តទៀត តើគ្រប់ទីកន្លែងនៅទូទាំងខេត្តមណ្ឌលគីរី ពិសេសនៅភូមិដេអេ ឃុំពូជ្រៃ ស្រុកពេជ្រាដា ខេត្តមណ្ឌលគីរី តើអស់លោកអាចធ្វើបានដែរឬក៏អត់? ៕