ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ អគារ​រដ្ឋបាល និង​សាលប្រជុំ​ទីស្តីការ​ក្រសួង​ការពា​ជាតិ - ទុក្ខលំបាក​របស់​ប្រជាពលរដ្ឋ​ជា​ទុក្ខលំបាក​របស់​ឯកឧត្តម​អភិបាលខេត្ត ឯកឧត្តម អ៊ូច ភា ឧបត្ថម្ភ​សម្ភារ​មួយចំនួន ជូន​លោកយាយ ឈ្មោះ យុង ងុន ភេទ​ស្រី ឣា​យុ​៧៣​ឆ្នាំ​ - ​ចេញ​ឆក់​កាបូប​លើក​ទី​១​បរាជ័យ ត្រូវ អាវុធហត្ថ​រាជធានី​ភ្នំពេញ ឃាត់ខ្លួន​បញ្ជូន​ទៅ​តុលាការ​ - សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​ឯកអគ្គរាជទូត​ជប៉ុន ប្រចាំ​នៅ​កម្ពុជា​ - ឯកឧត្តម​អភិបាលខេត្ត​តាកែវ អញ្ជើញ​កាត់​ស្រោម​វិញ្ញាសារ​ប្រឡង​សញ្ញាបត្រ​មធ្យមសិក្សា​ទុតិយភូមិ (​បាក់​ឌុប​) នៅ​មណ្ឌល​វិទ្យាល័យ​ជាស៊ីម​តាកែវ​ - សម្តេច​តេជោ ហ៊ុន សែន អញ្ជើញ​ទទួល​វ៉ាក់សាំង Pfizer ជំនួយ​របស់​រដ្ឋាភិបាល​អូស្ត្រាលី​ជាង ២.៣​លាន​ដូស​ - កងរាជអាវុធហត្ថរាជធានីភ្នំពេញបង្ហាញវិធីទំនាក់ទំនងជូនបងប្អូនប្រជាពលរដ្ឋ នៅក្នុងរាជធានីភ្នំពេញ ដែលជួបហេតុការណ៍ ត្រូវការអន្តរាគមន៍បន្ទាន់ - សម្តេច​តេជោ ហ៊ុន សែន អញ្ជើញ​សម្ពោធ​ដាក់ឱ្យ​ប្រើប្រាស់ អគារ​រដ្ឋបាល​អគ្គនាយកដ្ឋាន​គយ និង​រដ្ឋាករ​កម្ពុជា​ - សម្តេច​តេជោ ហ៊ុន សែន អញ្ជើញ សម្ពោធ​ដាក់​ឱ្យ​ប្រើប្រាស់ «​វិមាន​កីឡដ្ឋាន​»​នៃ​ពហុ​កីឡដ្ឋាន​ជាតិ​មរតក​តេជោ​ - ឯកឧត្តម អ៊ូច ភា បន្ត​នាំ​យក អាវ​រងា មុង និង​ភួយ អំណោយ​របស់ សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា មក​ផ្ដល់​ជូន​ចាស់ជរា​ទីទ័លក្រ ចំនួន ១៣០​នាក់ មកពី​៧​ឃុំ ក្នុង​ស្រុក​បាទី​

សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​ឯកអគ្គរាជទូត​ជប៉ុន ប្រចាំ​នៅ​កម្ពុជា​

នៅ​ព្រឹក ថ្ងៃ​អង្គារ ៩​រោច ខែ​មិគសិរ ឆ្នាំ​ឆ្លូវ ត្រី​ស័ក ព​.​ស​. ២៥៦៥ ត្រូវ​នឹង​ថ្ងៃទី​២៨ ខែ​ធ្នូ ឆ្នាំ​២០២១ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានអនុញ្ញាត​អោយ ឯកឧត្តម Masahiro Mikami ឯកអគ្គរាជទូត​ជប៉ុន​ប្រចាំ​នៅ​កម្ពុជា ជួបពិភាក្សា​ការងារ​នៅ​ភូមិគ្រឹះ​ក្រុង​តាខ្មៅ​។

​នៅក្នុង​ឱកាស​នោះ ឯកឧត្តម Masahiro Mikami បាន​គោរព​រាយការណ៍​ជូន​សម្ដេច​តេជោ​អំពី​លទ្ធផល​នៃ​កិច្ចសហប្រតិបត្តិការ​រ​វាង​កម្ពុជា និង​ជប៉ុន ដែល​ក្នុងនោះ​មាន​លើ​វិស័យ​សុខាភិបាល ដែល​ជប៉ុន​បាន​ផ្ដល់​វ៉ាក់សាំង Astrazeneca មកដល់​កម្ពុជា​ហើយ​ចំនួន​៣០​ម៉ឺន​ដូស និង​ការត្រៀម​ផ្ដល់​ជំនួយ​ដល់​កម្ពុជា​យើង​ជា​បន្ត​ទៀត​ដែល​នឹង​ត្រូវ​ចុះហត្ថលេខា​នៅពេល​ខាងមុខ​នេះ​។ ទាក់ទង​ទៅនឹង​វិស័យ​ការពារ​ជាតិ ឯកឧត្តម Masahiro Mikami បាន​ជម្រាបជូន​សម្តេច​តេ​ជោថា ឆ្នាំ​២០២២ គឺជា​ខួប ៣០​ឆ្នាំ នៃប្រតិបត្តិ​ការរក្សា​សន្តិភាព​(PKO) ហើយ​ជប៉ុន​នឹង​ត្រៀម​បញ្ជូន​នាវា​ស្វ័យការពារ​ជើង​ទឹក​មក​ចុះចត​នៅ​កម្ពុជា ហើយ​ក៏​នឹង​អញ្ជើញ​ឯកឧត្តម ហ៊ុន ម៉ា​ណែ​ត ទៅ​ទស្សនកិច្ច​ផ្លូវការ​នៅ​ប្រទេស​ជប៉ុន​ផង​ដែរ ។

​ទាក់ទង​ទៅនឹង​វិស័យ​កិច្ចសហប្រតិបត្តិការ​ក្នុង​តំបន់ ជាពិសេស​កិច្ចសហប្រតិបត្តិការ​លើ​វិស័យ​អាស៊ាន ឯកឧត្តម Masahiro Mikami បាន​គោរព​ជម្រាបជូន​សម្ដេច​តេ​ជោថា ជប៉ុន​បាន​ផ្ដល់​រថយន្ត​មួយចំនួន​ជូន​ដល់​ក្រសួងការបរទេស និង​ផ្តល់​នូវ​សម្ភារៈ​មួយចំនួន​ដែរ ហើយ​ជប៉ុន​ក៏​នឹង​ត្រៀម ផ្ដល់នូវ​កិច្ចសហប្រតិបត្តិការ​លើ​ការគាំទ្រ​ដល់​កម្ពុជា ធ្វើយ៉ាងណា​ឲ្យ​កម្ពុជា​ទទួលបាន​នូវ​ភាពជោគជ័យ​ក្នុង​នាម​ជា​ប្រធាន​អាស៊ាន​នាពេលខាងមុខ​។
​ជាមួយគ្នា​នោះ​ផងដែរ ឯកឧត្តម Masahiro Mikami ក៏​បាន​ជម្រាបជូន​សម្ដេច​តេជោ​លើ​ការគាំទ្រ​របស់​ជប៉ុន​ធ្វើ​យ៉ាងណា​ជំរុញ​កំពង់ផែ​ក្រុងព្រះសីហនុ​ឲ្យទៅ​ជា​កំពង់ផែ​ស្នូល​របស់​ព្រះរាជាណាចក្រ​កម្ពុជា ។

​ជា​ការឆ្លើយតប សម្ដេច​តេជោ ហ៊ុន សែន បាន​ថ្លែងអំណរគុណ​ចំពោះ​រាជរដ្ឋាភិបាល និង​ប្រជាជន​ជប៉ុន ដែល​បាន​ជួយ​ដល់​កម្ពុជា​នា​រយៈពេល​កន្លងមក ជាពិសេស​ថ្មីៗ​នេះ​ដែល​បាន​ជួយ​លើ​ការផ្ដល់​វ៉ាក់សាំង​កូវី​ដ​១៩ មកដល់​កម្ពុជា និង​ជំនួយ​ដទៃ​ទៀត​ជា​បរិក្ខា​ផ្សេងៗ ដើម្បី​ប្រយុទ្ធប្រឆាំង​ជំងឺ​កូវី​ដ​១៩​។
​សម្ដេច​តេជោ​ក៏បានថ្លែងអំណរគុ​ណ​ផងដែរ​ចំពោះ​ការផ្ដល់​ជារថយ​ន្ត ការផ្ដល់​ជា​សម្ភារៈ កិច្ចសហប្រតិបត្តិការ​ក៏ដូចជា​ការគាំទ្រ​ដើម្បី​ធ្វើយ៉ាងណា​ឱ្យ​កម្ពុជា​ទទួលបាន​នូវ​ភាព​ជោគជ័យ​នៃ​កិច្ចប្រជុំ​អាស៊ាន​នាពេលខាងមុខ​។

​ចំពោះ​ការអញ្ជើញ​ឯកឧត្តម ហ៊ុន ម៉ា​ណែ​ត ទៅធ្វើ​ទស្សនកិច្ច​ផ្លូវការ​នៅ​ប្រទេស​ជប៉ុន និង​ការចូល​ចត​នូវ​នាវា​ស្វ័យការពារ​ជើង​ទឹក​នៅ​កម្ពុជា សម្ដេច​តេជោ​នាយករដ្ឋមន្ត្រី សូម​ស្វាគមន៍ និង​បាន​មានប្រសាសន៍ថា ក្នុង​ខួប​៣០​ឆ្នាំ នៃប្រតិបត្តិ​ការរក្សា​សន្តិភាព​(PKO) នៅ​ឆ្នាំ​២០២២ ខាងមុខនេះ យើង​គប្បី​ណា​ធ្វើ​ខួប​នេះ​ឱ្យ​ក្លាយទៅជា​ការពង្រឹង ពង្រីក​កិច្ចសហប្រតិបត្តិកា​ររ​វា​ង​ប្រទេស​ទាំង​ពីរ​លើ​វិស័យ​ការពារ​ជាតិ ៕

   

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2022 Trortrung Cheat | ទ្រទ្រង់ជាតិ. All rights reserved. XHTML / CSS Valid.