ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​ធិបតី ហ៊ុន ម៉ា​ណែ​ត អញ្ជើញ​បើក «​ទិវា​ជាតិ​វិទ្យាសាស្ត្រ បច្ចេកវិទ្យា និង​នវានុវត្តន៍​» លើក​ទី​២ ឆ្នាំ​២០២៤ - ​សម្តេច​ធិបតី ហ៊ុន ម៉ា​ណែ​ត បាន​ទទួល​ជួប​ប្រធានរដ្ឋសភា នៃ​ព្រះរាជាណាចក្រ​ថៃ​ - ​សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ ឯកឧត្ដម Kyaw Soe Min ឯកអគ្គរដ្ឋទូត​នៃ​សាធារណរដ្ឋ​សហភាព​មី​យ៉ាន់​ម៉ា ចូលជួប​សម្តែង​ការគួរសម និង​ពិភាក្សា​ការងារ - ​សម្ដេច​តេជោ ហ៊ុន សែន អញ្ជើញ​ជួបពិភាក្សា​ការងារ​ជាមួយ ឯកឧត្តម Wan Muhamad Noor Matha ប្រធានរដ្ឋសភា​នៃ​ព្រះរាជាណាចក្រ​ថៃ​ - សម្តេច​ធិបតី ហ៊ុន ម៉ា​ណែ​ត អញ្ជើញ​ជា​អធិបតី ក្នុង​ពិធី​ពិសារ​អាហារ​ស្រាយ​បួស​ខែ​រ៉ា​ម៉ា​ឌន​លើក​ទី​៨ នៃ​បងប្អូន​ខ្មែរឥស្លាម​កម្ពុជា - ​សម្ដេច​តេជោ ហ៊ុន សែន អនុញ្ញាត​ឲ្យ ឯកឧត្ដម​បណ្ឌិត Agung Laksono អនុប្រធាន CAPDI ចូលជួប​សម្ដែង​ការគួរសម និង​ពិភាក្សា​ការងារ​ - សម្តេច​ធិបតី ហ៊ុន ម៉ា​ណែ​ត អញ្ជើញ​សម្ពោធ​សមិទ្ធផល​មជ្ឈមណ្ឌល​ជាតិ នៃ​ជនពិការ​តេជោ​សែន និង​គណៈកម្មាធិការ​ជាតិ​ប៉ា​រ៉ា​ឡាំ​ពិ​ក​កម្ពុជា​ - សម្តេច​ធិបតី ហ៊ុន ម៉ា​ណែ​ត អញ្ជើញ​បិទ​សន្និបាត​បូកសរុប​ការងារ​ឆ្នាំ​២០២៣ និង​លើក​ទិសដៅ​ការងារ​ឆ្នាំ​២០២៤ របស់​ក្រសួង​អភិវឌ្ឍន៍ជនបទ​ - សម្ដេច​ធិបតី ហ៊ុន ម៉ា​ណែ​ត អញ្ជើញ​ជា​អធិបតីភាព​ដ៏​ខ្ពង់ខ្ពស់ បើក​ពិធី​បុណ្យ​ទន្លេ​លើ​ក​ទី​៨ នៅ​ខេត្ត​សៀមរាប​ - ​សម្តេច​ធិបតី ហ៊ុន ម៉ា​ណែ​ត បានអនុញ្ញាត​ឱ្យ ឯកឧត្តម នាយ​ឧត្តមសេនីយ៍ វិល័យ ឡា​ខាំ​ហ្វង​(Vilay Lakhamphong) ឧបនាយករដ្ឋមន្ត្រី រដ្ឋមន្ត្រី​ក្រសួង​សន្តិសុខ​សាធារណៈ​ឡាវ ចូលជួប​សម្តែង​ការគួរសម និង​ពិភាក្សា​ការងារ​

សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​ប្រធាន​អគ្គសេនាធិការ​កងទ័ព​ប្រជាជន​វៀតណាម​

សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​ប្រធាន​អគ្គសេនាធិការ​កងទ័ព​ប្រជាជន​វៀតណាម​

នៅ​វិមាន​សន្តិភាព នា​ព្រឹក​ថ្ងៃទី​១៩ ខែ​មីនា ឆ្នាំ​២០២២​នេះ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ទទួល​ជួប​ពិភាក្សា​ការងារ​ជាមួយ​ឯកឧត្តម ឧត្តមសេនីយ៍ឯក​បម្រុ​ង ង្វៀន តឹន​គឿង (Nguyen Tan Cuong ) ប្រធាន​អគ្គសេនាធិការ​កងទ័ព​ប្រជាជន​វៀតណាម និង​ជា​អនុ​រដ្ឋមន្ត្រី​ការពារ​ប្រទេស ។

​នៅក្នុង​ជំនួប​នោះ ឯកឧត្តម ង្វៀន តឹន​គឿង បាន​គោរព​ពាំនាំ​នូវ​ការ​ផ្តាំផ្ញើ​សួរសុខទុក្ខ​ពី​សំណាក់​នាយករដ្ឋមន្ត្រី​វៀតណាម​ជូន​ចំពោះ​សម្តេច​តេជោ​នាយករដ្ឋមន្ត្រី ហើយ​បាន​គោរព​សម្ដែង​នូវ​ការអបអរសាទរ​ចំពោះ​សម្តេច​តេជោ​និង​រាជរដ្ឋាភិបាល​កម្ពុជា ដែល​បាន​ប្រយុទ្ធ​ប្រឆាំង​កូវី​ដ​-១៩​បាន​ជោគជ័យ ដោយ​បាន​ចាក់​ស្រោច​វ៉ាក់សាំង​ជូន​ដល់​ប្រជាពលរដ្ឋ​បាន​ជាង​៩០% ដែល​នេះ​ជា​ចំនួន​ច្រើន​បំផុត​នៅក្នុង​ពិភពលោក និង​នៅក្នុង​តំបន់​។

​ឯកឧត្តម​ក៏​សូម​សម្តែង​នូវ​ការអបអរសាទរ​ផង​ដែរ​ពោះ​កម្ពុជា​ក្នុងនាម​ជា​ប្រធាន​អាស៊ាន ជាពិសេស​ទទួលបាន​ជោគជ័យ​ក្នុង​ការរៀបចំ​កិច្ចប្រជុំ​អគ្គបញ្ជាការ​ដែល​ធ្វើ​ដោយផ្ទាល់ បន្ទាប់​ពី​ការអាក់ខាន​ការប្រជុំ​ដោយផ្ទាល់​២​ឆ្នាំកន្លងមក​។

​ឯកឧត្តម​ក៏បាន​គោរព​រាយការណ៍​ជូន​សម្ដេច​តេ​ជោថា កងទ័ព​ទាំង​២​នឹង​រៀបចំ​ឲ្យមាន​កិច្ចប្រជុំ​នៅ​ព្រំដែន ដើម្បី​ពង្រឹង​មិត្តភាព ពង្រីក​កិច្ចសហប្រតិបត្តិការ​លើ​កិច្ច​ការពារ​ជាតិ ការបង្កើត Hot line ដើម្បី​រួមគ្នា​ដោះស្រាយ​រាល់​បញ្ហា​ដែល​អាច​កើតមានឡើង​ឲ្យទាន់​ពេលវេលា ហ្វឹកហាត់​ការស្រាវជ្រាវ និង​សង្គ្រោះ​បន្ទាន់ រួម​ទាំង​ចែករំលែក​ព័ត៌មាន រក្សា​សន្តិសុខ និង​សុវត្ថិភាព​តាម​ព្រំដែន​។​

​ជា​ការឆ្លើយតប សម្តេច​តេជោ ហ៊ុន សែន បាន​ស្វាគមន៍​ចំពោះ​របាយការណ៍​របស់​ឯកឧត្តម ង្វៀន តឹន​គឿង និង​លើកទឹកចិត្ត​ឲ្យ​កងទ័ព​ទាំង​២ បន្ត​កិច្ច​សហប្រតិបត្តិការ​ខាងលើ និង​ស្វែងរក​កិច្ចសហប្រតិបត្តិកា​រដ​ទៃ​ទៀត​ដែល​អាច​ធ្វើបាន ដើម្បី​ធ្វើ​យ៉ាងណា​រក្សា​សុវត្ថិភាព និង​សន្តិសុខ​ជូន​ដល់​ប្រជាជន​រស់នៅ​តាម​ព្រំដែន ដើម្បី​ឲ្យ​ពួកគាត់​ប្រកប​អាជីវកម្ម​ដោយ​គ្មាន​ការភ័យខ្លាច ប្រែក្លាយ​ព្រំដែន​ដែល​ធ្លាប់​ជា​ទីតាំង​សមរភូមិ​ឲ្យទៅ​ជា​តំប​ន់​គ្របដណ្តប់​ដោយ​ការអភិវឌ្ឍ សន្តិភាព និង​មិត្តភាព​។

​នៅក្នុង​ឱកាស​នោះ​ដែរ សម្តេច​តេជោ​នាយករដ្ឋមន្ត្រី ក៏​បាន​ជម្រាបជូន ឯកឧត្តម ង្វៀន តឹន​គឿង អំពី​យុទ្ធសាស្ត្រ​ចាក់​ស្រោច​វ៉ាក់សាំង​នៅ​កម្ពុជា ដែល​នាំ​ដល់​ការទទួលបាន​ជោគជ័យ និង​បើក​ប្រទេស​ឡើងវិញ​តាមរយៈ ទី​១) អ្នកដំណើរ​មក​កម្ពុជា​ពុំ​ចាំបាច់​មាន​វិញ្ញាបនបត្រ​បញ្ជាក់​ការ​ធ្វើ​តេស្ត PCR 72 ម៉ោង មុន​ធ្វើដំណើរ​មក​កម្ពុជា​ទេ ទី​២)​មិន​តម្រូវឲ្យ​ធ្វើ​តេ​ស្តរហ័ស​នៅ​ពេល​មកដល់​កម្ពុជា​ទេ​និង​ទី​៣) អនុញ្ញាត​ទិដ្ឋាការ​នៅ​ពេល​មកដល់​កម្ពុជា​។ ជាមួយគ្នា​នោះ​ដែរ​សម្តេច​តេជោ​ក៏បានកោតសរសើរ​ដល់​ការចូលរួមចំណែ​ក​របស់​កងទ័ព​ទាំង​២ ក្នុង​ការកសាង​ការពារ ចំណងមិត្តភាព កិច្ចសហប្រតិបត្តិការ រវាង​កម្ពុជា និង វៀតណាម​៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2024 Trortrung Cheat | ទ្រទ្រង់ជាតិ. All rights reserved. XHTML / CSS Valid.