បាត់ដំបង ៖ នៅព្រឹកថ្ងៃទី៥ ខែមករា ឆ្នាំ២០១៦ សាលខេត្តបាត់ដំបងបានរៀបចំពិធីសម្ពោធ ដើមដូងទី១០ដើម្បីរំលឹកដល់បទចម្រៀងលោក ស៊ិន ស៊ីសាមុត ក្នុងគោលបំណងអោយកូនខ្មែរជំនាន់ក្រោយចងចាំ អនុស្សាវរីយ៏នូវភាពកំសត់របស់អ្នកចម្រៀងសំលេងមាស។
ពិធីនេះ មានការចូលរួមដោយឯកឧត្តម ច័ន្ទ សុផល អភិបាលខេត្ត លោក សៀង ឯមវុនស្ហីអភិបាលក្រុង និងមន្ត្រីរាជការគ្រប់ស្ថាប័ន ព្រមទាំងលោកគ្រូ អ្នកគ្រូ សិស្សានុសិស្សយ៉ាងច្រើនកុះករ ។
ឯកឧត្តម ច័ន្ទ សុផល អភិបាលខេត្តបានមានប្រសាសន៍ថា៖ ការដាំដើមដូងនេះគឺដើម្បីលំអរសួន និងរំលឹកដល់បទចម្រៀងដែលអ្នកនិពន្ឋជំនាន់ដើម បន្សល់ទុកអោយបងប្អូនស្តាប់កំសាន្ត តាមរយះអ្នកចម្រៀងដ៏ល្បីល្បាញ ដែលបានស្លាប់បាត់បង់ជីវិតមុនឆ្នាំ១៩៧៥ (បទម្លប់ដូងទី១០) ។
នៅចុងបញ្ចប់នៃកម្មវីធី ឯកឧត្តមបានកាត់ខ្សែរបូរដោយក្តីរីករាយទុកជាប្រវត្តសាស្ត្រ និងអោយសមស្របទៅតាមជ័យលាភី ដែលខេត្តបាត់ដំបងទទួលបានចំណាត់ធ្នាក់លេខ១ ផ្ការំដួល៣ទង៕