ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹមបក្ស​កុម្មុយនីស្ត​វៀតណាម​ - ​សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស ពាក់ព័ន្ធ​តំបន់​អភិវឌ្ឍន៍​ត្រីកោណ (CLV) កម្ពុជា ឡាវ វៀតណាម​ - សម្ដេច​តេជោ ហ៊ុន សែន អនុញ្ញាត​ឱ្យ ឯកឧត្តម Atul KHARE អគ្គលេខាធិការរង នៃ​អ​.​ស​.​ប​. ទទួលបន្ទុក​ផ្នែក​គាំទ្រ​ប្រតិបត្តិការ ចូលជួប​សម្ដែង​ការគួរសម​ - សម្តេច​ធិបតី ហ៊ុន ម៉ា​ណែ​ត​៖ អាកាសយានិក​ចំនួន ២ រូប ដែល​បាន​បាត់​ការទាក់ទង​អស់​រយៈពេល ១២ ថ្ងៃ មកទល់ពេលនេះ គឺ​មិន​មាន​មួយ​វិនាទី​ណា ត្រូវបាន​បំភ្លេច​នោះ​ទ្បើយ​ - សម្ដេច​តេជោ ហ៊ុន សែន ប្រធានព្រឹទ្ធសភា អនុញ្ញាត​ឱ្យ ឯកឧត្តម YAMAGUCHI Natsuo សមាជិក​ព្រឹទ្ធសភា និង​ជា​ប្រធាន​គណបក្ស Komeito ជប៉ុន ចូលជួប​សម្ដែង​ការគួរសម​ - ឯកឧត្តម​អភិ​សន្តិ​បណ្ឌិត ស សុខា ជំរុញ​ឱ្យ​រដ្ឋលេខាធិកា​រ និង​អនុរដ្ឋលេខាធិការ​ក្រសួងមហាផ្ទៃ ពង្រឹង​គុណភាព​ការងារ​ទទួលបន្ទុក​ - ​ឯកអគ្គរដ្ឋទូត​ហ្វីលីពីន​ប្ដេជ្ញា​បន្ត​ពង្រឹង និង​ពង្រីក​កិច្ចសហប្រតិបត្តិការ​ហ្វីលីពីន​-​កម្ពុជា​ឱ្យ​កាន់តែ​រឹងមាំ​បន្ថែមទៀត​ - អគ្គលេខាធិការរង អង្គការសហប្រជាជាតិ​កោតសរសើរ​ចំពោះ​ការអភិវឌ្ឍ​ដ៏​ល្អ និង​ឆាប់រហ័ស របស់​ព្រះរាជាណាចក្រ​កម្ពុជា​ - សម្តេច​មហា​បវ​ធិបតី ហ៊ុន ម៉ា​ណែ​ត អញ្ជើញ​ចូលរួម​បញ្ចុះបឋមសិលា សាងសង់​បន្ទប់​ពិគ្រោះ​យោបល់​សម្រាប់​ជនរងគ្រោះ សាល​តាំង​ពិ​ពណ៌​អចិន្ត្រៃយ៍​ស្តីពី​ដំណើរ​ការជំនុំជម្រះ​ក្តី និង​ឧទ្យាន​សម្រាប់​ការចងចាំ​ - ​ឯកឧត្តម ខៀវ កាញារីទ្ធ តំណាងរាស្ត្រ​មណ្ឌល​កំពង់ចាម និង​ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន អញ្ជើញ​ជា​អធិបតី​ពិធី​បញ្ចុះសព ឯកឧត្ដម លី វ៉ាន់​ហុង

សម្តេច​តេជោ ហ៊ុន សែន អញ្ជើញ​ចុះ​ជួប​កម្មករ កម្មការិនី​ជិត​២​ម៉ឺន​នាក់​ជា​បន្ត​ទៀត នៅ​ស្រុក​អង្គស្នួល ខេត្ត​កណ្ដាល​

សម្តេច​តេជោ ហ៊ុន សែន អញ្ជើញ​ចុះ​ជួប​កម្មករ កម្មការិនី​ជិត​២​ម៉ឺន​នាក់​ជា​បន្ត​ទៀត នៅ​ស្រុក​អង្គស្នួល ខេត្ត​កណ្ដាល​

នៅ​ថ្ងៃ​ព្រហស្បតិ៍ ១២​កើត ខែ​បឋមាសាឍ ឆ្នាំ​ថោះ បញ្ច​ស័ក ព​.​ស​.២៥៦៧ ត្រូវ​នឹង​ថ្ងៃទី​២៩ ខែមិថុនា ឆ្នាំ​២០២៣​នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​បន្ត​អញ្ជើញ​ចុះ​ជួប​សំណេះសំណាល​ជាមួយ​កម្មករ កម្មការិនី​សរុប​ប្រមាណ ១៨,២៥៥​នាក់ មកពី​រោងចក្រ​សហគ្រាស​ចំនួន​១១ ក្នុង​ស្រុក​អង្គស្នួល ខេត្ត​កណ្តាល​។​

​សម្តេច​តេជោ ហ៊ុន សែន ពិតជា​រីករាយ​ដែល​បាន​មកជួប​ក្មួយៗ​ចៅៗ កម្មករ កម្មការិនី​ទាំងអស់​ដែល​កំពុង​បម្រើ​ការងារ​នៅ​រោងចក្រ​ក្នុង​ស្រុក​អង្គស្នួល ខេត្ត​កណ្ដាល​នេះ​។ សម្តេច​តេ​ជោបាន​មានប្រ​សាសន៍ថា សម្ដេច​មាន​ការសប្បាយ​រីក​រីក​ចំពោះ​សមិទ្ធផល​នានា ដែល​សម្រេច​បាន​ចំពោះ​បងប្អូន​កម្មករ​និយោជិត​ដែល​រាជរដ្ឋាភិបាល​បាន​ធ្វើ​នា​ពេលកន្លងមក ជាពិសេស​ការទប់ស្កាត់​ការឆ្លង់​រីក​រាលដាល​ជំងឺ​កូវី​ដ​-១៩ នៅក្នុង​រោងចក្រ ដោយ​បងប្អូន​កម្មករ​និយោជិត​បាន​ចាក់​វ៉ាក់សាំង​កូវី​ដ​-១៩ គ្រប់ៗ​គ្នា​។​

​សម្តេច​តេជោ ហ៊ុន សែន បាន​មានប្រសាសន៍​ជា​ថ្មី​ថា ក្នុងអំឡុងពេល​ឃោសនាបោះឆ្នោត សម្តេច​នឹង​ផ្អាក​ធ្វើ​ការចុះ​ជួប​សំណេះសំណាល​ជាមួយ​បងប្អូន​កម្មករ​និយោជិត​មួយរយៈ ដើម្បី​កុំឲ្យ​មាន​បញ្ហា​ជាមួយនឹង​ច្បាប់​របស់គ​.​ជ​.​ប​. ហើយ​ក្រោយ​ការបោះឆ្នោត​សម្តេច​នឹង​បន្ត​ជួប​ទៀត ដើម្បី​ពិនិត្យមើល​វឌ្ឍនភាព​នៅ​តាម​រោងចក្រ សហគ្រាស់​នានា​ជា​បន្ត​ទៀត​។​

​នៅថ្ងៃនេះ សម្តេច​តេជោ ហ៊ុន សែន បាន​មានប្រសាសន៍​ប្រកាស​ឧបត្ថម្ភ​ដល់ មន្ដ្រីរាជការ មន្ដ្រី​កម្មសិក្សា និង​ជាប់កិច្ចសន្យា​ទាំងអស់ ឱ្យ​ទទួលបាន​អត្ថប្រយោជន៍​ការឧបត្ថម្ភ លើ​កម្មវិធី​ឧបត្ថម្ភ​សាច់ប្រាក់​ជូន​ស្ដ្រី​មាន​ផ្ទៃពោះ រហូត​ដល់​កុមារ​អាយុ​ក្រោម​២​ឆ្នាំ​ដូច​កម្មការិនី​រោងចក្រ​ដែរ​។ រីឯ​ស្ដ្រី​ដែល​ជា​កងទ័ព​សម្ដេច​តេជោ ក៏​ប្រកាស​ឧបត្ថម្ភ​ផងដែរ ប៉ុន្ដែ​ចំណុច​នេះ​សម្ដេច​ត្រូវ​ពិភាក្សា​បន្ថែម​នាពេល​ខាងមុខ​នេះ​។ សម្តេច​តេជោ​អត់​មាន​ប្រ​សាសន៍​បន្ត​ទៀត​ថា​គោលនយោបាយ​គាំពារ​សង្គម​ត្រូវបាន​រាជរដ្ឋាភិបាល​ដាក់ចេញ​ជា​បន្តបន្ទាប់ ដើម្បី​ការពារ​នូវ​សុខុមាលភាព​របស់​បង​ប្អូន​ប្រជាពលរដ្ឋ​។​

​សម្តេច​តេជោ​នាយករដ្ឋមន្ត្រី បើ​មាន​ប្រសាសន៍​បញ្ជាក់​ថា អ្វី​ដែល​សម្ដេច​ចង់​បាន​បំផុត គឺ​ធ្វើ​យ៉ាងម៉េច​ឱ្យ​រោងចក្រ​មួយ​ក្លាយទៅជា​សហគមន៍​សុខសាន្ត​មួយ​។ ដោយ​ការអនុវត្ត​បែប​នេះ​បាន គឺ​ត្រូវ​ធ្វើ​យ៉ាងម៉េច​កុំ​ឱ្យ​ក្នុង​រោងចក្រ​មាន​ហិង្សា កុំឱ្យ​មាន​ការ​ចែកចាយ​គ្រឿងញៀន ហើយ​បើ​មាន​បញ្ហា​អ្វី​ត្រូវ​ពន្លឿន​ក្នុង​ការដោះស្រាយ​បញ្ហា​ផ្សេងៗ​ទៀត​ជាមួយ​កម្មករ​។ ជាថ្មី​ម្ដងទៀត សម្តេច​តេ​ជោបាន​មានប្រ​សាសន៍ ចំពោះ​ការ​ផ្ទុះ​ឡើង​វិញ​នូវ​ជំងឺ​អេដស៍​នៅ​កម្ពុជា​នាពេល​បច្ចុប្បន្ន ដោយ​សម្តេច​សូម​ធ្វើការ​អំពាវនាវ​ដល់​អ្នក​ស្រលាញ់​ភេទដូចគ្នា​មាន​ការប្រុង​ប្រយ័ត្ន​បន្ថែម ខណៈ​ការផ្ទុះ​ជំងឺអេដស៍​ឡើងវិញ​នេះ​គឺ​កើតចេញ​ពី​បុរស​ស្រលាញ់​បុរស​ដូចគ្នា​។​

​ទាក់ទង​ទៅនឹង​បញ្ហា​សន្តិសុខ​សង្គម សម្តេច​តេជោ​ផ្ដាំផ្ញើ​ទៅ​អ្នកលេង​ហ្វេស​ប៊ុក​ទាំងអស់ ហាម​ដាច់ខាត​យក​រឿង​សន្ដិសុខ​ជាតិ​មក​បង្ហោះ​លេង​លើ​ហ្វេ​សប៊ុក​។ ការបញ្ជាក់​របស់​សម្ដេច​បែបនេះ បន្ទាប់ពី​មាន​អ្នកលេង​ហ្វេ​ស​ប៊ុក​មួយចំនួន​បានយ​ក​ករណី​យន្តហោះ​គ្មាន​មនុស្ស​បើក​ចូល​ឈ្លានពាន​ដែនដី​កម្ពុជា​នេះ មក​ភ្ជាប់​ជាមួយ​រូបភាព​យន្តហោះ​ពាណិជ្ជកម្ម​នៅ​លើ​បណ្ដាញ​សង្គម ដែល​ជា​ព័ត៌មាន​ក្លែងក្លាយ​។

​នៅ​ថ្ងៃ​នេះ​ផង​ដែរ សម្តេច​តេជោ ហ៊ុន សែន ប្រកាស​យក​បណ្ដាញ​តេ​ឡេ​ក្រាម (telegram) ជា​បណ្ដាញ​ផ្សព្វផ្សាយ​ផ្លូវការ​ចំបង​លើ​ការផ្សាយ​ចេញ​នូវ​ព័ត៌មាន រាប់​ទាំង​ការផ្សាយ​ផ្ទាល់​ផងដែរ ខណៈ​ពេល​នេះ​មាន​ពលរដ្ឋ​ចូលចិត្ត និង​ចូល​គាំទ្រ​ជាង ៨៥ ម៉ឺន​នាក់​បាន​ភ្ជាប់​ចូល​រួចហើយ​។ ការប្រកាស​របស់​សម្ដេច​តេជោ បែប​នេះ​បន្ទាប់ពី​សម្ដេច​ពិនិត្យឃើញ​ថា​ការប្រើប្រាស់ បណ្តាញ​ទំនាក់ទំនង​សង្គម telegram មាន​ប្រសិទ្ធភាព​ខ្ពស់​ជាង​ប្រៀបធៀប​ជាមួយ Facebook​។​

​នៅថ្ងៃនេះ សម្តេច​តេជោ​បាន​ជម្រាបជូន​ចំពោះ​ប្រជាពលរដ្ឋ​គ្រប់​ទីកន្លែង​ទាំងអស់​ថា បន្ទាប់​ពី​មាន​បទពិសោធន៍​ពី​ការឆ្លង​រីក​រាលដាល​ជំងឺ​កូវី​ដ​-១៩ រាជរដ្ឋាភិបាល​បាន​កសាង​មន្ទីរពេទ្យ​មួយ​ដែល​មាន​សមត្ថភាព​ទទួល​អ្នកជំងឺ​រហូតដល់​១​ម៉ឺន​គ្រែ សម្រាប់​១​ម៉ឺន​នាក់ គឺ​មន្ទីរពេទ្យ «​តេជោ​សន្ដិភាព​» ដែល​នេះ​ជា​គោលនយោបាយ​របស់​រាជ​រដ្ឋាភិបាល ដោយ​មិន​ទុក​ប្រជាពលរដ្ឋ​ណា​ម្នាក់​ចោល​ឡើយ​។​សម្តេច​តេជោក៏បាន​ប្រកាស​អញ្ជើញ​កម្មករ​-​កម្មការិនី​ទៅ​ទទួល​ពិនិត្យ​ព្យាបាល​ជំងឺ​នៅ​មន្ទីរពេទ្យ​ថ្មី​ដែល​រាជរដ្ឋាភិបាល​ទើប​សាងសង់​រួច គឺ «​មន្ទីរពេទ្យតេជោ​សន្ដិភា​ព​» ដែល​មិន​គិតថ្លៃ ខណៈ​មន្ទីរពេទ្យ​នេះ​មាន​សមត្ថភាព​ទទួល​អ្នកជំងឺ​១​ម៉ឺន​គ្រែ​។​

​មុន​នឹង​បញ្ចប់ សម្តេច​តេជោ ហ៊ុន សែន ក៏បាន​ជូនពរ​ដល់​បងប្អូន​កូនក្មួយ កម្មករ កម្មការិនី​ទាំងអស់ ជួបតែ​សេចក្តីសុខ សេចក្តីចម្រើន ជា​ពិសេស​កម្មការិនី​ដែល​មាន​ផ្ទៃពោះ​សូមឲ្យ​ទទួលបាន​នូវ​សុខភាព​ល្អ ទាំង​ម្ដាយ និង​កូន​នៅពេល​សម្រាល​ហើយក៏​បាន​ផ្ដល់​ជា​ថវិកា​

​សម្រាប់​ស្ត្រី​មាន​ផ្ទៃពោះ​ចំនួន​៤៩៣​នាក់ ក្នុង​ម្នាក់ៗ ២០០​ដុល្លារ ក្នុងនោះ​មាន​ស្ត្រី​មាន​កូនភ្លោះ​២ ចំនួន​៥​នាក់ ក្នុង​ម្នាក់ៗ ចំនួន​៤០០​ដុល្លារ​ផង​ដែរ​៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2024 Trortrung Cheat | ទ្រទ្រង់ជាតិ. All rights reserved. XHTML / CSS Valid.