ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​ធិបតី ហ៊ុន ម៉ា​ណែ​ត និង​លោកជំទាវ​បណ្ឌិត ពេ​ជ ច័ន្ទ​មុនី្ន ហ៊ុន​ម៉ា​ណែ​ត អញ្ជើញ​ចូលរួម​កិច្ចប្រជុំ​កំពូល​ពិសេស អាស៊ាន​-​អូស្ត្រាលី - អបអរសាទរ​ខួប​ទី​២៥ (១៩៩៩-២០២៤) នៃ​អនុសញ្ញា​ស្តីពី​ការ​ហាមប្រាម ការប្រើប្រាស់ ការ​រក្សាទុក ការផលិត និង ​ការផ្ទេរ​គ្រាប់​មីន​ប្រឆាំង​មនុស្ស និង​ការបំផ្លាញ​គ្រាប់មីន​ចោល​(​អនុសញ្ញា​អូ​តា​វ៉ា​)​​ - សម្តេច​ធិបតី ហ៊ុន ម៉ា​ណែ​ត អញ្ជើញ​បិទ​សន្និបាត​បូកសរុប​ការងារ​ឆ្នាំ ២០២៣ និង​លើក​ទិសដៅ​ការងារ​ឆ្នាំ ២០២៤ របស់​ក្រសួង​មហាផ្ទៃ - សម្ដេច​មហា​បវរ​ធិបតី ហ៊ុន ម៉ា​ណែ​ត អញ្ជើញ​ដាក់​កម្រងផ្កា​គោរព​វិញ្ញាណក្ខន្ធ សម្តេចព្រះ​អគ្គ​មហា​សង្ឃ​រាជាធិបតី​កិត្តិ​ឧទ្ទេស​បណ្ឌិត ទេព វង្ស សម្ដេចព្រះ​មហាសង្ឃរាជ នៃ​ព្រះរាជាណាចក្រ​កម្ពុជា​ - ​សម្ដេច​តេជោ ហ៊ុន សែន អញ្ជើញ​ដាក់​កម្រងផ្កា​គោរព​វិញ្ញាណក្ខន្ធ សម្តេចព្រះ​អគ្គ​មហា​សង្ឃ​រាជាធិបតី​កិត្តិ​ឧទ្ទេស​បណ្ឌិត ទេព វង្ស សម្ដេចព្រះ​មហាសង្ឃរាជ នៃ​ព្រះរាជាណាចក្រ​កម្ពុជា​ - សម្តេច​ធិបតី ហ៊ុន ម៉ា​ណែ​ត បានអនុញ្ញាត​ឲ្យ អនុប្រធាន​ជាន់ខ្ពស់ និង​ជា​នាយក​គ្រប់គ្រង​ក្រុមប្រឹក្សា​ធុរកិច្ច​អាមេរិក​-​អាស៊ាន និង​គណៈប្រតិភូ ចូលជួប​សម្តែង​ការគួរសម និង​ពិភាក្សា​ការងារ​ - សម្ដេច​ធិបតី ហ៊ុន ម៉ា​ណែ​ត អញ្ជើញ​ទៅ​បោះឆ្នោត​ជ្រើសតាំង​សមាជិក​ព្រឹទ្ធសភា នៅ​ការិយាល័យ ១០០១ មណ្ឌល​វិទ្យាល័យ​ព្រះ​សី​សុវត្ថិ​ - សម្តេច​តេជោ ហ៊ុន សែន អញ្ជើញ​បោះឆ្នោត​ជ្រើសតាំង​សមាជិក​ព្រឹទ្ធសភា​នីតិកាល​ទី​៥ - សម្តេច​ធិបតី ហ៊ុន ម៉ា​ណែ​ត អញ្ជើញ​បិទ​សន្និបាត​បូកសរុប​ការងារ​ឆ្នាំ​២០២៣ និង​លើក​ទិសដៅ​ការងារ​ឆ្នាំ​២០២៤ របស់​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន និង​ផ្សព្វផ្សាយ​ផែនការ​យុទ្ធនាការ​ប្រយុទ្ធ​ប្រឆាំង​គ្រឿងញៀន​ខុស​ច្បាប់​លើ​ក​ទី​៩ - សម្តេច​ធិបតី ហ៊ុន ម៉ា​ណែ​ត អញ្ជើញ​បើក​ការដ្ឋាន​សាងសង់​ស្ពាន​ឆ្លង​ទន្លេបាសាក់ (​ចាក់អង្រែ​ក្រោម​-​ព្រែកប្រា​)

សម្តេច​មហា​បវរ​ធិបតី ហ៊ុន ម៉ា​ណែ​ត អញ្ជើញ​ចុះ​ជួប​សំណេះសំណាល​ជាមួយ​បងប្អូន​កម្មករ និយោជិត ចំនួន ១៨,១០៨​នាក់ នៅ​រាជធានី​ភ្នំពេញ​

សម្តេច​មហា​បវរ​ធិបតី ហ៊ុន ម៉ា​ណែ​ត អញ្ជើញ​ចុះ​ជួប​សំណេះសំណាល​ជាមួយ​បងប្អូន​កម្មករ និយោជិត ចំនួន ១៨,១០៨​នាក់ នៅ​រាជធានី​ភ្នំពេញ​

នៅ​ព្រឹក ថ្ងៃ​អង្គារ ៩​កើត ខែ​កត្តិក ឆ្នាំ​ថោះ បញ្ច​ស័ក ពុទ្ធ​សករាជ​២៥៦៧ ត្រូវ​នឹង​ថ្ងៃទី​២១ ខែវិច្ឆិកា ឆ្នាំ​២០២៣ នេះ សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ចុះ​ជួប​សំណេះសំណាល​ជាមួយ​បងប្អូន​កម្មករ និយោជិត នៅតាម​បណ្តា​រោងចក្រ សហគ្រាស​ចំនួន ១៣​រោងចក្រ ដែល​មាន​មូលដ្ឋាន​ក្នុង​ខណ្ឌ​កំបូល រាជធានី​ភ្នំពេញ​។ រោងចក្រ សហគ្រាស​ទាំង ១៣​នេះ ជា​ប្រភេទ​រោងចក្រ​កាត់ដេរ​សម្លៀកបំពាក់ ចំនួន ១០ រោងចក្រ​ដេរ​ស្បែកជើង ចំនួន ២ និង​រោងចក្រ​ផលិត​ផលិតផល​ធ្វើដំណើរ និង​កាបូប ចំនួន​១​។​

​សម្តេច​ធិបតី ហ៊ុន ម៉ា​ណែ​ត បាន​មានប្រសាសន៍ថា ក្នុង​រយៈពេល​៩០​ថ្ងៃ ក្រោយ​កាន់តំណែង​ជា​នាយករដ្ឋមន្ត្រី សម្តេច​បាន​ចុះ​ជួប​សំណេះសំណាល​ជាមួយ​បងប្អូន​កម្មករ និយោជិត​ចំនួន​១០​ដង​ហើយ ដោយ​មាន​កម្មករ​-​កម្មការិនី​ជាង​២០​ម៉ឺន​នាក់​។ សម្ដេច​ធិបតី បន្តទៀត​ថា​ការចរចា​ប្រាក់ខែ​អប្បបរមា​សម្រាប់​កម្មក​រ និយោជិត ត្រូវតែ​ដំឡើង​ជា​រៀងរាល់ឆ្នាំ​។​

​នៅថ្ងៃនេះ សម្ដេច​បាន​ស្នើ​ឱ្យ​ចេញ​វិញ្ញាបនបត្រ​បញ្ជាក់​ពី​ភាព​ជំនាញ ចំពោះ​បុគ្គល​ណា ដែល​ទទួលបាន​ចំណេះដឹង​ពី​ជីដូន​ជីតា ម្ដាយ​ឪពុក និង​បាន​ប្រកប​របរ​ចិញ្ចឹមជីវិត ដែល​សហគមន៍​ទទួលស្គាល់ថា មាន​ស្នាដៃ​ល្អ ដើម្បី​ទុក​សម្រាប់​បន្ត​អាជីវកម្ម ឬ ចេញទៅ​ប្រកប​ការងារ​នៅ​ក្រៅប្រទេស​។ សម្តេច​បន្តថា កម្ពុជា​បាន​តស៊ូ​តាំងពី​បាតដៃ​ទទេ ទើបបាន​ធ្វើឲ្យ​ប្រទេស​មាន​ការអភិវឌ្ឍបាន​ប៉ុណ្ណេះ តែ​ទោះជា​យ៉ាងណា មហិច្ឆតា​របស់​កម្ពុជា​មិន​ទាន់​បញ្ចប់​ត្រឹមនេះ​ទេ យើង​នឹង​ខិតខំ​ធ្វើ​ដោយ​ឥតឈប់ឈរ​បន្ថែមទៀត ដើម្បី​ផលប្រយោជន៍​របស់​ប្រជាជន និង​ប្រទេសជាតិ​ទាំងមូល​។​

​សម្ដេច​ធិបតី​នាយករដ្ឋមន្ត្រី បន្តទៀតថា រាជរដ្ឋាភិបាល​អាណត្តិ​ទី​៧​នេះ នឹង​បន្ត​រក្សា​ថែ​នូវ​សមិទ្ធផល​ទាំងអស់ ដែល​រដ្ឋាភិបាល​អាណត្តិ​មុនៗ បានធ្វើ បាន​កសាង​ដោយ​លំបាក បន្ត​ថែរក្សា សុខសន្តិភាព​ដែល​រកបាន​ដោយ​កម្រ កុំឱ្យ​បាត់បង់​ទៅវិញ បន្ត​រក្សា​ថែ​ការងារ​សម្រាប់​ពលរដ្ឋ និង​កសាង​ពង្រីក​នូវ​សមិទ្ធផល​ថ្មីៗ​ឱ្យបាន​កាន់តែ​ច្រើន​ថែមទៀត​។ សម្ដេច​បន្តថា​នៅក្នុង​រយៈពេល ២ ឬ ៣ ឆ្នាំ​ខាង​មុខ ពលរដ្ឋ​នឹង​ឃើញ ពី​លទ្ធផល​ជាក់ស្ដែង ដែល​រាជរដ្ឋាភិបាល​អាណត្តិ​ទី​៧ បាន​ដាក់ចេញ​។​

​សម្ដេច​ធិបតី​នាយករដ្ឋមន្ត្រី​បាន​ផ្ដល់​អនុសាសន៍​ឱ្យ​ផ្ដល់​ការបណ្ដុះបណ្ដាល​ជំនាញ​វិជ្ជាជីវៈ ដល់​យុវជន​មក​ពី​គ្រួសារ​ក្រីក្រ និង​ងាយ​រង​ហានិភ័យ ឱ្យស្រប​នឹង​តម្រូវការ​នៅ​តាម​មូលដ្ឋាន ឧទាហរណ៍​បើ​សហគមន៍​មាន​ប្រើ​ឡាន​ច្រើន គួរ​ផ្ដល់​ជំនាញ​ពាក់ព័ន្ធ​នឹង​ការជួសជុល​រថយន្ត​ជាដើម​។ សម្ដេច​ជំរុញ​ឱ្យ​មាន​ការបណ្ដុះបណ្ដាល​ជំនាញ​វិជ្ជាជីវៈ ដល់​យុវជន​មក​ពី​គ្រួសារ​ក្រីក្រ និង​ងាយ​រង​ហានិភ័យ ដោយ​ពង្រឹង​លើ​ការអនុវត្ត​ឱ្យបាន​ច្រើន​ជាង​ការ រៀន​ទ្រឹស្ដី​នៅក្នុង​ថ្នាក់​។​

​សម្តេច​ធិបតី​បាន​មានប្រសាសន៍ថា នៅសល់ ៥ ថ្ងៃ​ទៀត​នឹង​ឈាន​ដល់​ថ្ងៃ​ព្រះរាជ​ពិធី​បុណ្យ អុំទូក បណ្តែត​ប្រទីប និង​សំពះ​ព្រះ​ខែ អក​អំបុក ដែល​ឆ្នាំ​នេះ​នឹង​មាន​រៀបចំ​ការប្រគំ​តន្ដ្រី និង​កម្មវិធី​ជា​ច្រើន​ទៀត​សម្រាប់​ទទួល​បងប្អូន​ប្រជាពលរដ្ឋ ទេសចរ​ជាតិ អន្តរជាតិ មក​លេង​កម្សាន្ត​។​សម្តេច​ធិបតី​បាន​ណែនាំ​ដល់​អាជ្ញាធរ​ត្រូវ​ធ្វើយ៉ាងណា​ធានា​ឱ្យបាន​នូវ​សន្ដិសុខ សុវត្ថិភាព​ដល់​ប្រជាពលរដ្ឋ ទេសចរ​ជាតិ អន្តរជាតិ​ឱ្យ​បានល្អ នា​ឱកាស​ព្រះរាជ​ពិធី​បុណ្យ អុំទូក បណ្តែត​ប្រទីប និង​សំពះ​ព្រះ​ខែ អក​អំបុក នាពេល​ខាងមុខ​នេះ​។​

​នៅថ្ងៃនេះ សម្ដេច​ធិបតី សម្តេច​ធិបតី​បានបញ្ជាក់​ថា ផែនទី​ឆ្នាំ​១៩៣០ បាន​បង្ហាញឱ្យឃើញថា មាន​កោះនរា ប៉ុន្តែ​ពី​មួយ​ឆ្នាំ​ទៅ​មួយ​ឆ្នាំ​កម្លាំង​ទឹកបាន​បុក​លើ​កោះនរា និង​ធ្វើឱ្យ​បាត់​រូបរាង​កោះ​ទាំងស្រុង​នៅ​ឆ្នាំ​២០០៥​។ ប៉ុន្មាន​ឆ្នាំ​ក្រោយមក កោះនរា​បាន​លេច​រូបរាង​ឡើងវិញ និង​បាន​ក្លាយជា​ទីក្រុង​អភិវឌ្ឍន៍​មួយ​ប្រកប​ដោយ​ភាព​ទាក់ទាញ​នៅ​ភ្នំពេញ​។

​សម្តេច​ធិបតី នាយករដ្ឋមន្ត្រី បាន​លើកឡើង​ថា​ក្នុង​រយៈពេល​៣​ខែ​ក្រោយ​សម្តេច កាន់តំណែង ជា​នាយករដ្ឋមន្ត្រី​អាណត្តិ​ទី​៧​នេះ មាន​មនុស្ស​មួយ​ក្តាប់​តូច​អង្គុយ និង​ដេកចាំ​រិះគន់​សម្តេច​គ្រប់ពេលវេលា ដោយ​ពួក​ទាំងនោះ បាន​លើកឡើង​ថា ក្នុង​រយៈ​៩០​ថ្ងៃនេះ គឺ​ពុំ​បាន​ធ្វើ​អ្វី​ចេញ​ជា​លទ្ធផល​ទាល់តែសោះ​។​

​សម្ដេច​បន្ត​ទៀត​ថា ក្នុងពេល​ដែល​ប្រទេសជាតិ​មាន​សុខសន្តិភាព សូម​បងប្អូន​ពលរដ្ឋ​ទាំងអស់ ចាប់យក​ឱកាស​ការងារ ដើម្បី​បង្កើន​ជីវភាព​គ្រួសារ​ឱ្យ​កាន់តែ​ប្រសើរ​ថែម​ទៀត​។ សម្តេច​ធិបតី​ក៏​បាន​ណែនាំ​ដល់​អាជ្ញាធរ​មូលដ្ឋាន ត្រូវ​ប្រើប្រាស់​យន្តការ​ដោះស្រាយ​បញ្ហា​ជូន​ប្រជាពលរដ្ឋ បងប្អូន​កម្មករ​និយោជិត​ឱ្យបាន​លឿន មិន​ត្រូវ​ទុក​បញ្ហា​ចោល​នោះ​ទេ និង​ទុក​បញ្ហា​ឱ្យ​ទៅ​ដល់​តុលាការ​នោះទេ​។ បើ​យន្តការ​អាជ្ញាធរ​មូលដ្ឋាន​មិន​អាច​ដោះស្រាយបាន​ត្រូវ​បើ​ប្រាស់​យន្តការ​ក្រសួង ស្ថាប័ន​បន្ថែម​ទៀត​។​

​នៅថ្ងៃនេះ សម្ដេច​ធិបតី ហ៊ុន ម៉ា​ណែ​ត បាន​លើកឡើង​ថា សុខ​សន្តិភាព​ក្នុង​សហគមន៍ ក្នុងប្រទេស កើត​មាន​ដោយសារ​មានការ​យល់យោគ​គ្នា គោរព​ច្បាប់​ទាំងអស់គ្នា និង​គោរព​ផលប្រយោជន៍​គ្នា​ទៅវិញទៅមក​៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 7809 Trortrung Cheat | ទ្រទ្រង់ជាតិ. All rights reserved. XHTML / CSS Valid.