ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- ជំនន់ទឹកភ្លៀង នៅទូទាំងប្រទេស ធូរស្រាល ស្ទើរទាំងស្រុង - អណ្តូងទឹកស្អាត ចំនួន១០ ត្រូវបាន ប្រគល់ជូន ពលរដ្ឋជិត៣០០គ្រួសារ នៅស្រុកវាលវែង - លោកឧកញ៉ា ទៀ វិចិត្រ ក្រុមការងារ ចុះជួយខេត្តកោះកុង បានចុះសួរសុខទុក្ខប្រជាពលរដ្ឋ តំបន់អារ៉ែង ស្រុកថ្មបាំង - គ្រូថ្នាំខ្មែរ បែកគំនិតជួញដូរ គ្រឿងញៀនបន្ថែម - នៅស្រុកថ្មបាំងពលរដ្ឋ៩០% ប្រកបរបរដាំដំណាំជាអាជីព - នៅស្រុកថ្មបាំងពលរដ្ឋ៩០% ប្រកបរបរដាំដំណាំជាអាជីព - ពិធីសម្ភោធឆ្លង សមិទ្ធផលនានាវត្តរុក្ខ្ត សិលារាម ហៅវត្តតាកាត - បុរសម្នាក់បាន ធ្វើអត្តឃាតដោយចងកមិនដឹងមូលហេតុ - លោក ស៊ុន ចាន់ថុល អមដំណើរសម្តេច សាយ ឈុំ ធ្វើដំណើរតាមរថភ្លើង ពីភ្នំពេញទៅព្រះសីហនុ - លោកស្រីអធិការការពារទិសដៅចំណាយយោធា
Comments Off

នៅស្រុកថ្មបាំងពលរដ្ឋ៩០% ប្រកបរបរដាំដំណាំជាអាជីព

កោះកុង៖ អភិបាលស្រុកថ្មបាំង ខេត្តកោះកុង លោក អន សុធារិទ្ធ បានបញ្ជាក់ថានៅស្រុកថ្មបាំង ទាំងមូល មានប្រជាពលរដ្ឋ៩០ភាគរយ បានប្រកបមុខរបរធ្វើកសិកម្មដោយដាំ ដំណាំដែលពុំ មានការប្រើប្រាស់ជីគីមី។

លោក បានថ្លែងប្រាប់អ្នកសារព័ត៌មាននៅថ្ងៃទី៣០ ខែឧសភា ឆ្នាំ២០១៨ថា ជាការ ពិតណាស់ នៅស្រុកថ្មបាំងនេះ មានប្រជាពលរដ្ឋ៩០ភាគហើយ ដែលប្រកបរបរធ្វើកសិកម្ម ដែលដាំដំណាំផេ្សងគ្នាៗ ដោយមានទំហំផ្ទៃដី៣៤៦៥គីឡូម៉ែតក្រឡានេះ គឺជាទំហំផ្ទៃដីនៅក្នុង ស្រុកថ្មបាំងទាំងមូល មិនមែនសម្រាប់ធ្វើកសិកម្មទាំងអស់នោះទេ។

ដំណាំដែលកសិករបានដាំមានពីរប្រភេទ គឺដំណាំវិលជុំ និងដំណាំយុទ្ធ សាស្រ្ត។ សម្រាប់ដំណាំវិលជុំ មានដូចជា ចេក ល្ហុក ត្រាវ ម្ទេស ចំណែក ដំណាំយុទ្ធសាស្រ្តវិញ មាន ដូចជា ធូរេន ម្ឃុត សៅម៉ាវ កៅស៊ូ និងម្រេច។

លោកអភិបាលស្រុកបានឲ្យដឹងទៀតថា ដំណាំក្នុងស្រុកថ្មបាំង មានការនាំចេញទៅលក់​ទៅលើទីផ្សារបានច្រើនគួរ​ឲ្យកត់សម្គាល់ ជាក់ស្ដែងដូចជា ចេក ល្ហុង ដែលគេហៅថា ដំណាំវិលជុំ មានការនាំចេញទៅលក់នៅ ទីផ្សាររាប់រយតោន។

ដំណាំហូបផ្លែដែលមានឈ្មោះល្បីជាងគេនៅ ស្រុកថ្មបាំង មានផ្លែ ធូរេន សៅម៉ាវ និងម្ឃុត ហើយជាពិសេសនោះ គឺធូរេនមានលក្ខណៈផ្អែមឈ្ងុយឆ្ងាញ់។

ចំពោះពូជធូរេន លោកថា កសិករចូលចិត្តដាំភាគច្រើនជាប្រភេទធូរេន ដែលនាំចូលពូជពីក្រៅ ប្រទេសផ្សេងៗ ដូចជា កាន់យ៉ាវ ពូជមួនថង់ ភូម៉ាន់នី កាដុំ ជាដើម។សម្រាប់ការនាំចេញយកទៅ លក់តាមទីផ្សារនានាវិញ ភាគច្រើនលក់ទៅកាន់ខេត្តកំពង់ស្ពឺ កំពង់សោម ភ្នំពេញ ដែលជាទីផ្សារធំ។

ប្រជាកសិករ ដែលដាំដំណាំហូបផ្លែស្រុកថ្មបាំង បានឲ្យដឹងដែរថា បើតាមផែនការទៅមុខ ដាំធូរេនឲ្យ បានយ៉ាងតិច១០០០ដើម ខណៈសព្វថ្ងៃដាំបាន៧០០ដើម។

កសិករខាងលើបន្តថា​ ចំពោះការប្រមូលផលរបស់ខ្ញុំឆ្នាំមុនមានការខាតជាច្រើន ប្រហែលជា ២០០០០ដុល្លារ ទៅ៣០០០០ដុល្លារ ដោយជួបជាមួយបញ្ហាប្រឈមជាច្រើន ។ ខ្ញុំប្រមូលផលបានតិច ហើយតម្លៃនៅទីផ្សារបានថោកគឺឆ្នាំមុន បានតែមួយគីឡូ១០០០០រៀលទេ តែឆ្នាំនេះ ខ្ញុំសង្ឃឹមថា នឹងមានការចំណេញច្រើន ព្រោះឆ្នាំនេះ ធូរេនបានផ្លែច្រើនជាងឆ្នាំ។be7815c3f99479c440c8575aa401971dchanroth-4006chanroth-4008

 

Filed in: ដំណឹងក្នុងស្រុក

Recent Posts

Bookmark and Promote!

សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2019 Trortrung Cheat | ទ្រទ្រង់ជាតិ. All rights reserved. XHTML / CSS Valid.