ខេត្តបន្ទាយមានជ័យ ៖ បុរសវ័យចំណាស់ម្នាក់ ដោយទុកចិត្តអ្នកជិតខាង ថាជាមនុស្សល្អ មុននិងចេញទៅ ធ្វើ ចំការក៏បានធ្វើការផ្តាំផ្ញើឲ្យជួយមើលផ្ទះ និងកូនក្រមុំផង មានឨកាសបុរស នោះចាប់ រំលោភកូនក្រមុំខ្លួន ទាល់តែបានសំរេច។
ហេតុការណ៍ចាប់រំលោភនេះ នៅថ្ងៃទី២៥ ខែមិនា ឆ្នាំ២០១៥ នៅលើផ្ទះជនរងគ្រោះតែម្តង ។ លោកឧត្តមសេនីយ៍ ត្រី ឪបូរិន្ទ មេបញ្ជាការកងរាជអាវុធហត្ថ ខេត្តបានឲ្យដឹងថាក្រោយពេលបាន ទទួល ពាក្យបញ្តឹងរបស់ជនរងគ្រោះ លោកក៏បានដាក់បញ្ជាឲ្យអាវុធហត្ថ ក្រោមឪវ៉ាទចំនួន៣នាក់ ដឹកនាំដោយ លោកវរសេនីយ៍ត្រី ជាពិសី មេបញ្ជាការអាវុធហត្ថ ស្រុកអូរជ្រៅ ចុះតាមចាប់ឃាត់ខ្លួនជនល្មោភកាម បាន នៅវេលាម៉ោង៩ព្រឹក ថ្ងៃទី៣០ខែមិនាឆ្នាំ២០១៥ នៅផ្ទះនៅភូមិជាងថ្មី ឃុំកូបស្រុកអូរជ្រៅ ខេត្តបន្ទាយមានជ័យ។
លោកបានបន្តថា ជនសង្ស័យមានឈ្មោះ ម៉ានហ៊ន ប្រុសអាយុ៣៨ឆ្នាំ រស់នៅភូមិឃុំខាងលើ លោកបាន និយាយបន្តថា នៅថ្ងៃទី២០ខែមិនាឆ្នាំ២០១៥ ឪពុកម្តាយជនរងគ្រោះបាននាំគ្នា ទៅធ្វើចំការនៅភូមិអូរធំ ឃុំជ្រៃសីម៉ា ស្រុកសំពៅលូន ខេត្តបាត់ដំបង ហើយបានផ្តាំផ្ញើឲ្យជនសង្ស័យជួយមើលផ្ទះ និងកូនក្រមុំឲ្យ ផងស្មានតែជនសង្ស័យជាមនុស្សល្អ ហើយក៏ទៅចំការបាត់ ។
លោកបានបន្តទៀតថា ពេលនោះជនសង្ស័យ មានឪកាសក៏បានទូរស័ព្ទហៅកូនក្រមុំ ឲ្យមកជួបនៅផ្ទះថា ឪពុកទូរស័ព្ទមកចង់ជួប លុះឈ្មោះ ខេងលឹម ក៏បានមកជួបជនសង្ស័យនៅផ្ទះ ដោយមានឪកាសល្អ ជនសង្ស័យក៏រត់ទៅចាក់គន្លិះទ្វារ ហើយក៏ចាប់ រំលោភជនរងគ្រោះរហូត ទាល់តែបានសំរេច។
លោក រិន្ទ បានបញ្ជាក់ទៀតថា ក្រោយពេលកើតហេតុរួច បាន៥ថ្ងៃកន្លងផុតជនរងគ្រោះ ក៏បានមករាយ ការណ៏ ជូនកងរាជអាវុធហត្ថតែម្តង ក្រោយពេលបានដំណឹងភ្លាមអាវុធហត្ថមួយក្រុម បានចុះទៅចាប់ សង្ស័យនៅផ្ទះរួចបញ្ជូនមកអាវុធហត្ថខេត្ត ចាត់ការទៅតាមផ្លូវច្បាប់។នៅមុខអាវុធហត្ថជនសង្ស័យ បានសារភាពថាខ្លួនពិតជាបាន រំលោភឈ្មោះ ខេងលឹមពិតមែន។ជនសង្ស័យត្រូវបានកសាងសុំនុំរឿង បញ្ជូនទៅតុលាការដើម្បីដាក់ទោសទៅតាមច្បាប់៕