ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹមបក្ស​កុម្មុយនីស្ត​វៀតណាម​ - ​សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស ពាក់ព័ន្ធ​តំបន់​អភិវឌ្ឍន៍​ត្រីកោណ (CLV) កម្ពុជា ឡាវ វៀតណាម​ - សម្ដេច​តេជោ ហ៊ុន សែន អនុញ្ញាត​ឱ្យ ឯកឧត្តម Atul KHARE អគ្គលេខាធិការរង នៃ​អ​.​ស​.​ប​. ទទួលបន្ទុក​ផ្នែក​គាំទ្រ​ប្រតិបត្តិការ ចូលជួប​សម្ដែង​ការគួរសម​ - សម្តេច​ធិបតី ហ៊ុន ម៉ា​ណែ​ត​៖ អាកាសយានិក​ចំនួន ២ រូប ដែល​បាន​បាត់​ការទាក់ទង​អស់​រយៈពេល ១២ ថ្ងៃ មកទល់ពេលនេះ គឺ​មិន​មាន​មួយ​វិនាទី​ណា ត្រូវបាន​បំភ្លេច​នោះ​ទ្បើយ​ - សម្ដេច​តេជោ ហ៊ុន សែន ប្រធានព្រឹទ្ធសភា អនុញ្ញាត​ឱ្យ ឯកឧត្តម YAMAGUCHI Natsuo សមាជិក​ព្រឹទ្ធសភា និង​ជា​ប្រធាន​គណបក្ស Komeito ជប៉ុន ចូលជួប​សម្ដែង​ការគួរសម​ - ឯកឧត្តម​អភិ​សន្តិ​បណ្ឌិត ស សុខា ជំរុញ​ឱ្យ​រដ្ឋលេខាធិកា​រ និង​អនុរដ្ឋលេខាធិការ​ក្រសួងមហាផ្ទៃ ពង្រឹង​គុណភាព​ការងារ​ទទួលបន្ទុក​ - ​ឯកអគ្គរដ្ឋទូត​ហ្វីលីពីន​ប្ដេជ្ញា​បន្ត​ពង្រឹង និង​ពង្រីក​កិច្ចសហប្រតិបត្តិការ​ហ្វីលីពីន​-​កម្ពុជា​ឱ្យ​កាន់តែ​រឹងមាំ​បន្ថែមទៀត​ - អគ្គលេខាធិការរង អង្គការសហប្រជាជាតិ​កោតសរសើរ​ចំពោះ​ការអភិវឌ្ឍ​ដ៏​ល្អ និង​ឆាប់រហ័ស របស់​ព្រះរាជាណាចក្រ​កម្ពុជា​ - សម្តេច​មហា​បវ​ធិបតី ហ៊ុន ម៉ា​ណែ​ត អញ្ជើញ​ចូលរួម​បញ្ចុះបឋមសិលា សាងសង់​បន្ទប់​ពិគ្រោះ​យោបល់​សម្រាប់​ជនរងគ្រោះ សាល​តាំង​ពិ​ពណ៌​អចិន្ត្រៃយ៍​ស្តីពី​ដំណើរ​ការជំនុំជម្រះ​ក្តី និង​ឧទ្យាន​សម្រាប់​ការចងចាំ​ - ​ឯកឧត្តម ខៀវ កាញារីទ្ធ តំណាងរាស្ត្រ​មណ្ឌល​កំពង់ចាម និង​ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន អញ្ជើញ​ជា​អធិបតី​ពិធី​បញ្ចុះសព ឯកឧត្ដម លី វ៉ាន់​ហុង

សម្តេច​ធិបតី ហ៊ុន ម៉ា​ណែ​ត អញ្ជើញ​បិទ​សន្និបាត​ក្រសួង​ធនធានទឹក និង​ឧតុនិយម​

សម្តេច​ធិបតី ហ៊ុន ម៉ា​ណែ​ត អញ្ជើញ​បិទ​សន្និបាត​ក្រសួង​ធនធានទឹក និង​ឧតុនិយម​

នៅ​រសៀល​ថ្ងៃ​ពុធ ២​កើត ខែ​ចេត្រ ឆ្នាំ​ថោះ បញ្ច​ស័ក ព​.​ស​.២៥៦៧ ត្រូវ​នឹង​ថ្ងៃទី​១០ ខែ​មេសា ឆ្នាំ​២០២៤​នេះ សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​ក្នុង​ពិធី​បិទ​សន្និបាត​បូកសរុប​ការងារ​ឆ្នាំ​២០២៣ និង​លើក​ទិសដៅ​ការងារ​ឆ្នាំ​២០២៤​។ វិធី​នេះ​ត្រូវបាន​ធ្វើឡើង​នៅ​សណ្ឋាគារ​សុខា​ភ្នំពេញ​។

​ជា​កិច្ច​ចាប់ផ្ដើម សម្ដេច​អធិបតី ហ៊ុន ម៉ា​ណែ​ត សូម​អបអរសាទរ និង កោតសរសើរ ឯកឧត្តម លោកជំទាវ ថ្នាក់ដឹកនាំ ព្រមទាំង​មន្ត្រីរាជការ​គ្រប់​លំដាប់ថ្នាក់​នៃ​ក្រសួង​ធនធានទឹក និង ឧតុនិយម និង ស្ថាប័ន ក្រោម​ឱវាទ ដែល​បាន​ប្ដេជ្ញាចិត្ត​ខ្ពស់ និង ខិតខំ​ប្រឹងប្រែង យកចិត្តទុកដាក់​លើ​ការគ្រប់គ្រង​, ការអភិរក្ស និង​ការអភិវឌ្ឍ​ធនធានទឹក និង​ឧតុនិយម​។ សម្តេច​ធិបតី បាន​មានប្រសាសន៍​បន្ត​ថា សមិទ្ធផល និង​វឌ្ឍនភាព ក្នុង​វិស័យ​ធនធានទឹក និង ឧតុនិយម នឹង​មិន​អាច​កើតមាន នោះទេ​, ប្រសិនបើ​កម្ពុជា​ពុំ​មាន​សន្តិភាព​ពេញលេញ​, ស្ថិរភាព​នយោបាយ និង សន្តិសុខ សង្គម​។ កម្ពុជា​បាន​ឆ្លងកាត់​ការលំបាក​ជាច្រើន​ឆ្នាំ ដោយសារ​សង្គ្រាម​។ រយៈពេល​២៥​ឆ្នាំ​ចុងក្រោយ​នេះ ដែល​កម្ពុជា​សម្រេចបាន​សុខ​សន្តិភាព​ពេញលេញ និង​ឯកភាព​ជាតិ នៅ​ទូទាំង​ប្រទេស តាមរយៈ​នយោបាយ​ឈ្នះ​-​ឈ្នះ របស់​សម្តេច​អគ្គមហាសេនាបតី​តេជោ ហ៊ុន សែន អតីត​នាយករដ្ឋមន្ត្រី និង​ជា​ប្រធានព្រឹទ្ធសភា នៃ​ព្រះរាជាណាចក្រ​កម្ពុជា​នីតិកាល​ទី​៥, ដោយ​រាជរដ្ឋាភិបាល​បាន​អនុវត្ត យុទ្ធសាស្ត្រ​ត្រីកោណ និង យុទ្ធសាស្ត្រ​ចតុកោណ​ទាំង​៤ ដំណាក់កាល ប្រកបដោយ​ជោគជ័យ និង សម្រេច​បាន​សមិទ្ធផល​ធំៗ​ជាច្រើន លើ​គ្រប់​វិស័យ​, ទាំង​វិស័យ នយោបាយ​, សង្គម និង សេដ្ឋកិច្ច ដែល​ធ្វើឱ្យ​កម្ពុជា​ផ្លាស់ប្ដូរ​មុខមាត់​ថ្មី​គួរ​ជាទី​មោទនៈ ទាំង​នៅក្នុង​តំបន់ និង នៅលើ​ឆាក​អន្តរជាតិ​។​

​សម្តេច​ធិបតី​នាយករដ្ឋមន្ត្រី បាន​មានប្រសាសន៍​ទៀតថា ក្រសួង​ធនធានទឹក និង​ឧតុនិយម ត្រូវ​បន្ត​អនុវត្ត​តួនាទី និង ភារកិច្ច​របស់​ខ្លួន ដោយ​សហការ​ជាមួយ ក្រសួង​-​ស្ថាប័ន​ពាក់ព័ន្ធ និង អាជ្ញាធរ​មូលដ្ឋាន​គ្រប់​រាជធានី​-​ខេត្ត ក្នុង​ការទប់ស្កាត់​ការកាប់បំផ្លាញ​ព្រៃ​លិច​ទឹក​ក្នុង​តំបន់​៣ នៅ​ជុំវិញ​បឹង​ទន្លេសាប និង ជំរុញ​បញ្ចប់​ការធ្វើ បច្ចុប្បន្នភាព​ផែនទី​តំបន់ ១ តំបន់​២ និង តំបន់​៣ នៃ​តំបន់​ទន្លេសាប និង​ធ្វើ​ការបោះបង្គោល​ព្រំ ព្រមទាំង​ការទប់ស្កាត់​រាល់​ការទន្ទ្រាន​កាន់កាប់​ដី​ក្នុង​អាង​ស្តុក​ទឹក​, ដីព្រៃ​លិច​ទឹក​, ការចាក់ដី និង ថ្ម​ចូលក្នុង​ទន្លេ ស្ទឹង អូរ និង បឹងបួរ នៅ​ទូទាំង​ប្រទេស​។ រយៈពេល​៧០​ថ្ងៃ​មក​នេះ ក្រុម​ការងារ​ចម្រុះ បាន​ចុះ​ធ្វើការ ហើយ​បញ្ចប់​ការ​ធ្វើ​បច្ចុប្បន្នភាព លើ​ការកំណត់​ព្រំ​លើ​ទីតាំង​ដី​នៅ​តំបន់​ទន្លេសាប​។ កិច្ចការ​ការពារ​ដី​អភិ​រក្សា​បឹង​ទន្លេសាប ត្រូវតែ​បន្ត​ធ្វើ​ដោយ​គ្មាន​ដកថយ​។​

​សម្តេច​ធិបតី ហ៊ុន ម៉ា​ណែ​ត បាន​ថ្លែងថា ក្រសួង​ធនធានទឹក និង ឧតុនិយម ត្រូវ​បន្ត​ពង្រីក​សក្តានុពល​ប្រភព​ផ្គត់ផ្គង់​ទឹក តាមរយៈ​ការកសាង​ទំនប់​អាង​ស្តុក​ទឹក និង ប្រព័ន្ធ​ចែកចាយ​ទឹក​ប្រកបដោយ​គុណភាព និង​ជឿ​ទុកចិត្តបាន ដោយ​ផ្អែក​លើ​ការសិក្សា​ប្រកប​ដោយ​លក្ខណៈ​វិទ្យាសាស្ត្រ ដើម្បី​ធានាបាន​នូវ ការផ្គត់ផ្គង់​ទឹក​គ្រប់គ្រាន់​ដល់​ការប្រើប្រាស់​ទឹក​ស្អាត​ប្រចាំថ្ងៃ និង​សម្រាប់​បម្រើ​ឱ្យ​ផលិតកម្ម​លើ​គ្រប់​វិស័យ ក៏ដូចជា​ជួយ​ដល់​ការកាត់បន្ថយ​គ្រោះទឹកជំនន់ និង គ្រោះរាំងស្ងួត​។​

​សម្តេច​សូម​លើកទឹកចិត្ត​ឱ្យ ក្រសួង​ធនធានទឹក និង ឧតុនិយម បន្ត​កិច្ចសហការ​ជាមួយ ក្រសួង​សេដ្ឋកិច្ច និង ហិរញ្ញវត្ថុ អំពី​លទ្ធភាព​ថវិកា​សម្រាប់​ការកសាង និង ការជួសជុល​ថែទាំ សំណង់​ការងារ​ទឹក និង ជាមួយ​ដៃគូ​អភិវឌ្ឍ និង ស្ថាប័ន​ផ្តល់​ជំនួយ​នានា ដើម្បី​កៀរគរ​ថវិកា សម្រាប់​គាំទ្រ​ដល់​ការគ្រប់គ្រង​, ការអភិរក្ស និង ការអភិវឌ្ឍ​ធនធាន​ទឹក​នៅ​កម្ពុជា​។​

​សម្តេច​ធិបតី​បាន​ស្នើ​ឲ្យ​ក្រសួង​ធនធានទឹក និង ឧតុនិយម ត្រូវ​បន្ត​ពង្រីក​សក្តានុពល​ប្រភព​ផ្គត់ផ្គង់​ទឹក តាមរយៈ​ការកសាង​ទំនប់​អាង​ស្តុក​ទឹក និង ប្រព័ន្ធ​ចែកចាយ​ទឹក​ប្រកបដោយ​គុណភាព និង​ជឿ​ទុកចិត្តបាន ដោយ​ផ្អែក​លើ​ការសិក្សា​ប្រកប​ដោយ​លក្ខណៈ​វិទ្យាសាស្ត្រ ដើម្បី​ធានាបាន​នូវ​ការផ្គត់ផ្គង់​ទឹក​គ្រប់គ្រាន់ ដល់​ការប្រើប្រាស់​ទឹកស្អាត​ប្រចាំថ្ងៃ និង សម្រាប់​បម្រើ​ឱ្យ​ផលិតកម្ម​លើ​គ្រប់​វិស័យ ក៏ដូចជា​ជួយ​ដល់​ការកាត់បន្ថយ​គ្រោះទឹកជំនន់ និង គ្រោះរាំងស្ងួត ។ សម្តេច​ធិបតី ហ៊ុន ម៉ា​ណែ​ត បាន​ថ្លែងថា សម្តេច​បាន​សម្រេច​ឱ្យ​អនុវត្ត​គម្រោង​តម្លៃ​ប្រមាណ ៣០០​លាន​ដុល្លារ ដើម្បី​ដោះស្រាយ​បញ្ហា​ទឹក​លិច​ភ្នំពេញ​។​

​សម្តេច​ធិបតី ហ៊ុន ម៉ា​ណែ​ត បាន​មានប្រសាសន៍​ទៀតថា តាម​ការព្រមាន​ជា​មុន​របស់​អង្គការសហប្រជាជាតិ នៅ​ថ្ងៃ​ទី​១៧ ខែ​ឧសភា ឆ្នាំ​២០២៣ កន្លងទៅ​, ចាប់ពី​ឆ្នាំ​២០២៣ ដល់ ឆ្នាំ ២០២៧ សីតុណ្ហភាព​នៅលើ​ភពផែនដី​នឹង ឡើង​ក្តៅ​ខ្លាំង​បំផុត​ដែល​ពុំ​ធ្លាប់​ជួបប្រទះ​ពីមុនមក ដែល​ជា​លទ្ធផល​នៃ​បន្សំ​បាតុភូត​ពីរ គឺ​ឥទ្ធិពល​ឧស្ម័ន​ផ្ទះ​កញ្ចក់ និង បាតុភូត​ឧតុនិយម​អែល​នី​ណូ (El Nino), ដែល​ការណ៍​នេះ នឹង​អាច​ធ្វើឱ្យ​មាន​ភ្លៀង​ព្យុះ​, គ្រោះរាំងស្ងួត​ចម្លែក​, ប្តូរ​ទម្លាប់​អាកាសធាតុ ដែល​កន្លែង​ខ្លះ​មាន​ភ្លៀង​ច្រើនពេក និង កន្លែង​ខ្លះ​កាន់តែ​រាំងស្ងួត​ខ្លាំង​ជា​ដើម​។​

​នៅក្នុង​ឱកាស​បិទ​សន្និបាត​នេះ សម្ដេច​មហា​បបរ​អធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ក៏​បាន​អញ្ជើញ​ផ្ដល់​កិត្តិយស​បំពាក់​គ្រឿង​ឥស្សរិយយស​ជូន​ដល់​មន្ត្រី​មាន​ស្នាដៃ​ល្អ​មួយចំនួន នៃ​ក្រសួង​ធនធានទឹក និង​ឧតុនិយម​ផងដែរ​៕

 

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2024 Trortrung Cheat | ទ្រទ្រង់ជាតិ. All rights reserved. XHTML / CSS Valid.