ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹមបក្ស​កុម្មុយនីស្ត​វៀតណាម​ - ​សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស ពាក់ព័ន្ធ​តំបន់​អភិវឌ្ឍន៍​ត្រីកោណ (CLV) កម្ពុជា ឡាវ វៀតណាម​ - សម្ដេច​តេជោ ហ៊ុន សែន អនុញ្ញាត​ឱ្យ ឯកឧត្តម Atul KHARE អគ្គលេខាធិការរង នៃ​អ​.​ស​.​ប​. ទទួលបន្ទុក​ផ្នែក​គាំទ្រ​ប្រតិបត្តិការ ចូលជួប​សម្ដែង​ការគួរសម​ - សម្តេច​ធិបតី ហ៊ុន ម៉ា​ណែ​ត​៖ អាកាសយានិក​ចំនួន ២ រូប ដែល​បាន​បាត់​ការទាក់ទង​អស់​រយៈពេល ១២ ថ្ងៃ មកទល់ពេលនេះ គឺ​មិន​មាន​មួយ​វិនាទី​ណា ត្រូវបាន​បំភ្លេច​នោះ​ទ្បើយ​ - សម្ដេច​តេជោ ហ៊ុន សែន ប្រធានព្រឹទ្ធសភា អនុញ្ញាត​ឱ្យ ឯកឧត្តម YAMAGUCHI Natsuo សមាជិក​ព្រឹទ្ធសភា និង​ជា​ប្រធាន​គណបក្ស Komeito ជប៉ុន ចូលជួប​សម្ដែង​ការគួរសម​ - ឯកឧត្តម​អភិ​សន្តិ​បណ្ឌិត ស សុខា ជំរុញ​ឱ្យ​រដ្ឋលេខាធិកា​រ និង​អនុរដ្ឋលេខាធិការ​ក្រសួងមហាផ្ទៃ ពង្រឹង​គុណភាព​ការងារ​ទទួលបន្ទុក​ - ​ឯកអគ្គរដ្ឋទូត​ហ្វីលីពីន​ប្ដេជ្ញា​បន្ត​ពង្រឹង និង​ពង្រីក​កិច្ចសហប្រតិបត្តិការ​ហ្វីលីពីន​-​កម្ពុជា​ឱ្យ​កាន់តែ​រឹងមាំ​បន្ថែមទៀត​ - អគ្គលេខាធិការរង អង្គការសហប្រជាជាតិ​កោតសរសើរ​ចំពោះ​ការអភិវឌ្ឍ​ដ៏​ល្អ និង​ឆាប់រហ័ស របស់​ព្រះរាជាណាចក្រ​កម្ពុជា​ - សម្តេច​មហា​បវ​ធិបតី ហ៊ុន ម៉ា​ណែ​ត អញ្ជើញ​ចូលរួម​បញ្ចុះបឋមសិលា សាងសង់​បន្ទប់​ពិគ្រោះ​យោបល់​សម្រាប់​ជនរងគ្រោះ សាល​តាំង​ពិ​ពណ៌​អចិន្ត្រៃយ៍​ស្តីពី​ដំណើរ​ការជំនុំជម្រះ​ក្តី និង​ឧទ្យាន​សម្រាប់​ការចងចាំ​ - ​ឯកឧត្តម ខៀវ កាញារីទ្ធ តំណាងរាស្ត្រ​មណ្ឌល​កំពង់ចាម និង​ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន អញ្ជើញ​ជា​អធិបតី​ពិធី​បញ្ចុះសព ឯកឧត្ដម លី វ៉ាន់​ហុង

​សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ ឯកឧត្តម វ៉ាង យី (Wang Yi) រដ្ឋមន្ត្រីការបរទេស​ចិន

​សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ ឯកឧត្តម វ៉ាង យី (Wang Yi) រដ្ឋមន្ត្រីការបរទេស​ចិន

​នៅ​វិមាន​៧​មករា នា​រសៀល ថ្ងៃ​ចន្ទ ១៤​កើត ខែ​ចេត្រ ឆ្នាំ​រោង ឆ​ស័ក ព​.​ស​.២៥៦៧ ត្រូវ​នឹង​ថ្ងៃទី​២២ ខែ​មេសា ឆ្នាំ​២០២៤ សម្ដេច​អគ្គមហាសេនាបតី​តេជោ ហ៊ុន សែន ប្រធានព្រឹទ្ធសភា និង​ជា​ប្រធាន​គណបក្ស​ប្រជាជន​កម្ពុជា បាន​ទទួល​ជួប​ពិភាក្សា​ការងារ​ជាមួយ​ឯកឧត្តម វ៉ាង យី (Wang Yi) សមាជិក​ការិយាល័យ​នយោបាយ និង ជា​ប្រធាន​ការិយាល័យ​គណៈកម្មកា​រ​កិច្ចការបរទេស នៃ​គណៈកម្មាធិការ​មជ្ឈិមបក្ស​កុម្មុយនីស្ត​ចិន និង​ជា​រដ្ឋមន្ត្រី​ការបរទេស​នៃ​សាធារណរដ្ឋ​ប្រជាមានិត​ចិន ក្នុងឱកាស​ដែល​ឯកឧត្តម​អញ្ជើញ​មក​បំពេញ​ទស្សនកិច្ច​នៅ​ព្រះរាជាណាចក្រ​កម្ពុជា​។​

​ក្នុង​ជំនួប​នេះ សម្ដេច​តេជោ ហ៊ុន សែន បាន​សម្ដែង​នូវ​ការស្វាគមន៍ ឯកឧត្តម​រដ្ឋមន្ត្រីការបរទេស ដោយ​សម្ដេច​បាន​ចាត់ទុក​ថា​ឯកឧត្តម​ជា​មិត្ត​ចាស់​របស់​សម្ដេច ដែល​ធ្លាប់​បាន​ធ្វើការ​ជាមួយគ្នា​ជា​យូរណាស់​មកហើយ​។ សម្ដេច​តេ​ជោបាន​មានប្រ​សាសន៍​រំលឹក​ថា​កាលពី​ខែ សីហា​កន្លងទៅនេះ ឯកឧត្តម វ៉ាង យី ក៏​ធ្លាប់បាន​មក​ធ្វើ​ទស្សនកិច្ច​នៅ​កម្ពុជា ផងដែរ ដែល​រហូត​មកដល់ពេលនេះ​មិន​ដល់​រយៈពេល​មួយ​ឆ្នាំ​ផង ឯកឧត្តម​បាន​អញ្ជើញ​មក​បំពេញ​ទស្សនកិច្ច​នៅ​កម្ពុជា​ម្ដង​ទៀត ដែល​នេះ​បង្ហាញឲ្យឃើញច្បា​ស់​ពី​ការយកចិត្តទុកដាក់ របស់​ថ្នាក់ដឹកនាំ​ចិន​ចំពោះ​កម្ពុជា​។

​សម្ដេច​តេ​ជោបាន​មានប្រ​សាសន៍​បន្ត​ទៀត​ថា ឯកឧត្តម​មក​កាន់​កម្ពុជា​នា​ពេល​នេះ ក្រោយ​ពេល​នៃ​ការផ្លាស់ប្ដូរ​មក​អ្នក​បន្តវេន​ជំនាន់​ក្រោយ ដែល​ពេល​នេះ​អ្វីៗ​គឺ​ដំណើរការ​ទៅ​ដោយ​រលូន ទាំង​ស្ថេរភាព​នយោបាយ សេដ្ឋកិច្ច​ក៏​ដំណើរការ​ល្អ ហើយ​មាន​ការអភិវឌ្ឍ​ជា​បន្តបន្ទាប់​។ សម្ដេច​តេជោក៏បាន​អរគុណ​ឯកឧត្តម វ៉ាង យី ចំពោះ​ដំណើរ​ទស្សនកិច្ច​នៅពេល​នេះ​មក​កាន់​កម្ពុជា ហើយ​សង្ឃឹមថា ដំណើរ​ទស្សនកិច្ច​របស់​ឯកឧត្តម​នាពេ​ល​នេះ នឹង​ពង្រឹង​បន្ថែមទៀត​នូវ​ទំនាក់ទំនង​ទ្វេភាគី​រវាង​ប្រទេស​ទាំង​ពីរ កម្ពុជា​-​ចិន​។

​ឯកឧត្តម វ៉ាង យី បាន​សម្តែង​នូវ​ការ​អរគុណ​ចំពោះ​ប្រទេស​កម្ពុជា​ដែល​បាន​ទទួល​ឯកឧត្តម​យ៉ាង​កក់ក្តៅ​ជាទីបំផុត​។ ឯកឧត្តម​ក៏បាន​ជម្រាបជូន​សម្ដេច​តេជោ​អំពី​សកម្មភាព​នៃ​ដំណើរទ​ស្សន​កិច្ច​របស់​ឯកឧត្តម​មកកាន់​ប្រទេស​កម្ពុជា ជាពិសេស​នៅក្នុង​កិច្ចប្រជុំ​នៃ​គណៈកម្មការ​ចម្រុះ​កាលពី​ព្រឹក​មិញ ដែល​បាន​ទទួល​លទ្ធផល​ដ៏​ល្អ​ប្រសើរ ហើយ​អ្វីៗ​រវាង​ប្រទេស​យើង​ទាំង​ពីរ​ក៏ដូចជា​បក្ស​ទាំងពីរ គឺ​យើង​បាន​ឈាន​ដល់​ដំណាក់កាល​ថ្មី​មួយទៀត​។ ឯកឧត្តម​បាន​លើក​សរសើរ​ពី​គុណសម្បត្តិ​របស់​សម្ដេច​តេជោ ដែល​មាន​ទស្សនៈវិស័យ​វែងឆ្ងាយ​ក្នុង​ការផ្ទេរអំណាច​ពី​ជំនាន់​ចាស់​មក​កាន់​ជំនាន់​ថ្មី ដោយ​ភាពរលូន​។ ជាមួយគ្នា​នោះ​ផងដែរ ឯកឧត្តម​រដ្ឋមន្ត្រីការបរទេស​ចិន​ក៏​បាន​ពាំនាំ​នូវ​ការ​ផ្ដាំផ្ញើ​សួរសុខទុក្ខ​ពី​សំណាក់​ឯកឧត្តម ស៊ី ជិន​ពីង ប្រធានាធិបតី​ចិន ពី​ឯកឧត្តម​នាយករដ្ឋមន្ត្រី​ចិន លី ឈាង ពី​ឯកឧត្តម​ប្រធានព្រឹទ្ធសភា និង​ថ្នាក់ដឹកនាំ​ចិន​ដទៃទៀត​។ ឯកឧត្តម​ក៏បាន​អបអរសាទរ​ចំពោះ​គណបក្ស​ប្រជាជន​កម្ពុជា​ដែល​បាន​ឈ្នះ​ការបោះឆ្នោត ជ្រើសរើស​សមាជិក​ព្រឹទ្ធសភា​នា​ពេល​កន្លង​ទៅ​ថ្មីៗ​នេះ ហើយ​អបអរសាទរ​ចំពោះ​សម្តេច​តេជោ​ដែល​ក្លាយជា​ប្រធាន​ព្រឹទ្ធសភា​នា​ពេល​នេះ​ផងដែរ​។

​ឯកឧត្តម វ៉ាង យី សង្ឃឹមថា រាជរដ្ឋាភិបាល​ថ្មី នឹង​បន្ត​តួនាទី ក៏ដូចជា ទំនាក់ទំនង​ល្អ​ជាមួយ​ចិន ដែល​ថ្នាក់ដឹកនាំ​មុនៗ​បាន​ថែរក្សា និង​ពូន​ជ្រុំ​នា​ពេលកន្លងមក​។ ឯកឧត្តម វ៉ាង យី ក៏​បាន​កោតសរសើរ​ចំពោះ​ភាព​រីក​លូតលាស់​យ៉ាង​លឿន​នៃ​ទីក្រុង​ភ្នំពេញ​ដែល​ក្នុង​រយៈពេល​តែ​ជាង​៨​ខែ​កន្លងមកនេះ គឺ​មាន​ការ​ប្លែក​ច្រើន ហើយ​ជីវភាព​ប្រជាជន​ក៏​មាន​ការរីកចម្រើន​ផងដែរ​។ ឯកឧត្តម​បាន​បញ្ជាក់ថា អ្វីៗ​ដែល​កើតមានឡើង​នេះ​គឺ​កើតចេញពី​ការខិតខំ​ប្រឹងប្រែង​ប្រកបដោយ​ភាព​ឈ្លាសវៃ​របស់​សម្ដេច​តេជោពេល​សម្ដេច​នៅ​ជា​នាយករដ្ឋមន្ត្រី ដែល​សម្ដេច​ជា​អ្នកនយោបាយ​ដែល​មាន​ចក្ខុវិស័យ​ច្បាស់លាស់​។

​ឯកឧត្តម​បន្តទៀតថា ថ្នាក់ដឹកនាំ​ចិន​មាន​ការយកចិត្តទុកដាក់​ខ្ពស់ ចំពោះ​មេដឹកនាំ​កម្ពុជា​។ ឯកឧត្តម​បាន​មានប្រសាសន៍​បញ្ជាក់​ថា ការផ្លាស់ប្ដូរ​ពី​ជំនាន់​ចាស់​មក​ជំនាន់​ថ្មី​នេះ គឺ​បាន​ដើរ​លើ​មាគ៌ា​ដ៏​ត្រឹមត្រូវ ហើយ​ឯកឧត្តម​សង្ឃឹមថា មិត្តភាព​រវាង​កម្ពុជា និង​ចិន និង​កាន់តែ​បន្ត​រីកចម្រើន ហើយ​ចិន​នៅតែ​ជា​ដៃ​គូដ​គួរឲ្យ​ទុកចិត្ត របស់​កម្ពុជា​។ ឯកឧត្តម​បាន​សន្យាថា ចិន នឹង​ពង្រឹង​កិច្ចសហប្រតិបត្តិការ​ជាមួយ​រដ្ឋាភិបាល​ថ្មី គាំទ្រ​ការពារ​សន្តិសុខ​ជូន​សម្ដេច និង​ក្រុមគ្រួសារ និង​យកចិត្តទុកដាក់​រវាង​បក្ស​ទាំងពីរ ដើម្បី​រួមចំណែក​ក្នុង​ការផ្លាស់ប្ដូរ​ព័ត៌មាន ប្រឆាំង​ដាច់ខាត​ការធ្វើ​បដិវត្តន៍​ពណ៌ ខិតខំ​អភិវឌ្ឍន៍​ជាពិសេស​អ្វី​ដែល​មាន​ការព្រមព្រៀង​គ្នា​ពីមុនមក ដើម្បីឲ្យ​កិច្ចសហប្រតិបត្តិការ​រវាង​ប្រទេស​ទាំង​ពីរ​កាន់តែ រឹងមាំ​និង​រីកចម្រើន​បន្ថែម​ទៀត ។

​សម្ដេច​តេជោ​ប្រធានព្រឹទ្ធសភា នៃ​ព្រះរាជាណាចក្រ​កម្ពុជា​ក៏​បាន​អំណរគុណ​ចំពោះ​ឯកឧត្តម​វ៉ាង​យី​ដែល​បាន​ពាំនាំ​នូវ​ការ​ផ្ដាំផ្ញើ​សួរសុខទុក្ខ​ពី​សំណាក់​ថ្នាក់ដឹកនាំ​នៃ​ប្រទេស​ចិន​។ សម្ដេច​ក៏​បាន​មានប្រសាសន៍​ជំរុញ​ឲ្យមាន​ការ​ផ្លាស់​ប្ដូរ​ពាណិជ្ជ​កម្ម​រវាង​ប្រទេស​ទាំង​ពីរ ការផ្លាស់ប្ដូរ​ប្រជាជន​និង​ប្រជាជន ៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2024 Trortrung Cheat | ទ្រទ្រង់ជាតិ. All rights reserved. XHTML / CSS Valid.