ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹមបក្ស​កុម្មុយនីស្ត​វៀតណាម​ - ​សម្តេច​តេជោ ហ៊ុន សែន អញ្ជើញ​ថ្លែង​សារ​ពិសេស ពាក់ព័ន្ធ​តំបន់​អភិវឌ្ឍន៍​ត្រីកោណ (CLV) កម្ពុជា ឡាវ វៀតណាម​ - សម្ដេច​តេជោ ហ៊ុន សែន អនុញ្ញាត​ឱ្យ ឯកឧត្តម Atul KHARE អគ្គលេខាធិការរង នៃ​អ​.​ស​.​ប​. ទទួលបន្ទុក​ផ្នែក​គាំទ្រ​ប្រតិបត្តិការ ចូលជួប​សម្ដែង​ការគួរសម​ - សម្តេច​ធិបតី ហ៊ុន ម៉ា​ណែ​ត​៖ អាកាសយានិក​ចំនួន ២ រូប ដែល​បាន​បាត់​ការទាក់ទង​អស់​រយៈពេល ១២ ថ្ងៃ មកទល់ពេលនេះ គឺ​មិន​មាន​មួយ​វិនាទី​ណា ត្រូវបាន​បំភ្លេច​នោះ​ទ្បើយ​ - សម្ដេច​តេជោ ហ៊ុន សែន ប្រធានព្រឹទ្ធសភា អនុញ្ញាត​ឱ្យ ឯកឧត្តម YAMAGUCHI Natsuo សមាជិក​ព្រឹទ្ធសភា និង​ជា​ប្រធាន​គណបក្ស Komeito ជប៉ុន ចូលជួប​សម្ដែង​ការគួរសម​ - ឯកឧត្តម​អភិ​សន្តិ​បណ្ឌិត ស សុខា ជំរុញ​ឱ្យ​រដ្ឋលេខាធិកា​រ និង​អនុរដ្ឋលេខាធិការ​ក្រសួងមហាផ្ទៃ ពង្រឹង​គុណភាព​ការងារ​ទទួលបន្ទុក​ - ​ឯកអគ្គរដ្ឋទូត​ហ្វីលីពីន​ប្ដេជ្ញា​បន្ត​ពង្រឹង និង​ពង្រីក​កិច្ចសហប្រតិបត្តិការ​ហ្វីលីពីន​-​កម្ពុជា​ឱ្យ​កាន់តែ​រឹងមាំ​បន្ថែមទៀត​ - អគ្គលេខាធិការរង អង្គការសហប្រជាជាតិ​កោតសរសើរ​ចំពោះ​ការអភិវឌ្ឍ​ដ៏​ល្អ និង​ឆាប់រហ័ស របស់​ព្រះរាជាណាចក្រ​កម្ពុជា​ - សម្តេច​មហា​បវ​ធិបតី ហ៊ុន ម៉ា​ណែ​ត អញ្ជើញ​ចូលរួម​បញ្ចុះបឋមសិលា សាងសង់​បន្ទប់​ពិគ្រោះ​យោបល់​សម្រាប់​ជនរងគ្រោះ សាល​តាំង​ពិ​ពណ៌​អចិន្ត្រៃយ៍​ស្តីពី​ដំណើរ​ការជំនុំជម្រះ​ក្តី និង​ឧទ្យាន​សម្រាប់​ការចងចាំ​ - ​ឯកឧត្តម ខៀវ កាញារីទ្ធ តំណាងរាស្ត្រ​មណ្ឌល​កំពង់ចាម និង​ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន អញ្ជើញ​ជា​អធិបតី​ពិធី​បញ្ចុះសព ឯកឧត្ដម លី វ៉ាន់​ហុង

អបអរសាទរ​! ខួប​លើក​ទី​៧៣ ព្រះរាជាណាចក្រ​កម្ពុជា ចូល​ជា​សមាជិក​អង្គការ​យូណេស្កូ (៣ កក្កដា ១៩៥១ ~ ៣ កក្កដា ២០២៤)

អបអរសាទរ​! ខួប​លើក​ទី​៧៣ ព្រះរាជាណាចក្រ​កម្ពុជា ចូល​ជា​សមាជិក​អង្គការ​យូណេស្កូ (៣ កក្កដា ១៩៥១ ~ ៣ កក្កដា ២០២៤)

​រាជធានី​ភ្នំពេញ​៖ ចាប់តាំងពី​ប្រទេស​កម្ពុជា​បាន​ចូល​ជា​សមាជិក​របស់​អង្គការ​យូណេស្កូ (UNESCO) ព្រះរាជាណាចក្រ​កម្ពុជា បាន​ចុះបញ្ជី​នូវ​ស​ម្ប​តិ្ត​បេតិកភណ្ឌ​រូបី ចំនួន ៤, ស​ម្ប​តិ្ត​បេតិកភណ្ឌ​អរូបី ចំនួន ៦ និង​បញ្ជី​ស្មារតី​ចងចាំ​នៃ​ពិភពលោក ចំនួន ៣ ដើម្បី​ថែរក្សា​នូវ​ទម្រង់​ដើម​នៃ​វប្បធម៌ ក៏ដូចជា​មរតក​ឥត​កាត់ថ្លៃ​ដែល​បាន​បន្សល់​ទុក​ដោយ​ដូនតា​ខ្មែរ ព្រមទាំង​ជា​ការចងចាំ​នូវ​ប្រវត្តិសាស្ត្រ​របស់​កម្ពុជា ដោយ​ក្នុង​នោះ​រួមមាន​៖

១. បេតិកភណ្ឌ​រូបី​នៃ​មនុស្សជាតិ​៖
– តំបន់​រមណីយដ្ឋាន​អង្គរ ចុះបញ្ជី​នា​ថ្ងៃទី​១៤ ខែ​ធ្នូ ឆ្នាំ​១៩៩២ នៅ​ទីក្រុង​សាន់​តា​ហ្វេ សហរដ្ឋអាមេរិក​
– ប្រាសាទ​ព្រះវិហារ ចុះបញ្ជី​នា​ថ្ងៃទី​៧ ខែកក្កដា ឆ្នាំ​២០០៨ នៅ​ទីក្រុង​កេបិក ប្រទេស​កាណាដា​
– តំបន់​ប្រាសាទសំបូរព្រៃគុក ចុះបញ្ជី​នា​ថ្ងៃទី​៨ ខែកក្កដា ឆ្នាំ​២០១៧ នៅ​ទីក្រុង​ក្រា​កូវ ប្រទេស​ប៉ូឡូញ​
– រមណីយដ្ឋាន​ប្រាសាទ​កោះ​កេរ ចុះបញ្ជី​នា​ថ្ងៃ​១៧ ខែ​កញ្ញា ឆ្នាំ​២០២៣ នៅ​ទីក្រុង​រី​យ៉ាដ ប្រទេស​អា​រ៉ាប៊ីសាអូឌីត​។

២. បេតិកភណ្ឌ​វប្បធម៌​អរូបី​នៃ​មនុស្សជាតិ​៖
– របាំ​ព្រះ​រាជទ្រព្យ ចុះបញ្ជី​នា​ថ្ងៃទី​៧ ខែវិច្ឆិកា ឆ្នាំ​២០០៣ នៅ​ទីក្រុង​អ៊ី​ស្ដន់​ប៊ូ​ល ប្រទេស​តួ​ក​គី​
– ល្ខោន​ស្រមោល​ស្បែក​ធំ ចុះបញ្ជី​នា​ថ្ងៃទី​២៥ ខែវិច្ឆិកា ឆ្នាំ​២០០៥ នៅ​ទីក្រុង​ប៉ារីស ប្រទេស​បារាំង​
– ល្បែង​ទាញព្រ័ត្រ ចុះបញ្ជី​នា​ថ្ងៃទី​២ ខែ​ធ្នូ ឆ្នាំ​២០១៥ នៅ​ទីក្រុង​វិន​ឌុក ប្រទេស​ណា​មី​ប៊ី​
– ចាប៉ីដងវែង ចុះបញ្ជី​នា​ថ្ងៃទី​៣០ ខែវិច្ឆិកា ឆ្នាំ​២០១៦ នៅ​ទីក្រុង​អេត​ឌី​ស​អាបាបា ប្រទេស​អេត្យូ​ពី​
– ល្ខោនខោល​វត្ត​ស្វាយ​អណ្តែត ចុះបញ្ជី​នា​ថ្ងៃទី​២៨ ខែវិច្ឆិកា ឆ្នាំ​២០១៨ នៅ​ទីក្រុង​ព័​រល្វី នៃ​សាធារណរដ្ឋ​ម៉ូ​រី​ស​
– គុន​ល្បុក្កតោ ចុះបញ្ជី​នា​ថ្ងៃទី​២៩ ខែវិច្ឆិកា ឆ្នាំ​២០២២ នៅ​ទីក្រុង​រ៉ា​បាត ព្រះរាជាណាចក្រ​ម៉ារ៉ុក​។

៣. បញ្ជី​ស្មារតី​ចងចាំ​នៃ​ពិភពលោក​៖
– ប​ណ្ណា​សារ​ឧក្រិដ្ឋកម្ម ប្រល័យពូជសាសន៍​ទួលស្លែង ចុះបញ្ជី​នា​ថ្ងៃទី​៣១ ខែកក្កដា ឆ្នាំ​២០០៩ នៅ​ទីក្រុង​ប្រ៊ី​ដ​ថោ​ន ប្រទេស​បា​បា​ដូស​
– ឯកសារ​សំឡេង​និទានរឿង​រាមកេរ្ដិ៍ ដោយ​តា​គ្រុឌ ចុះបញ្ជី​នា​ថ្ងៃទី​១៥ ខែ​ឧសភា ឆ្នាំ​២០១៤ នៅ​ខេត្ត​ខ្វាង​ចូ​វ ប្រទេស​ចិន​
– រឿង​អ៉ី​ណាវ បុស្សិ​បា ចុះបញ្ជី​នា​ថ្ងៃទី​៣០ ខែតុលា ឆ្នាំ​២០១៧ នៅ​ទីក្រុង​ប៉ារីស ប្រទេស​បារាំង​។

​សូម​ជម្រាប​ជូន​ថា ព្រះរាជាណាចក្រ​កម្ពុជា បាន​ចូល​ជា​សមាជិក​របស់​អង្គការ​យូណេស្កូ (UNESCO) នៅ​ថ្ងៃ​ទី​៣ ខែកក្កដា ឆ្នាំ​១៩៥១ មកដល់​ថ្ងៃ​ទី​៣ ខែកក្កដា ឆ្នាំ​២០២៤​នេះ មាន​រយៈពេល ៧៣​ឆ្នាំ​ហើយ​។ អង្គការ​យូណេស្កូ (UNESCO) គឺជា​ផ្នែក​មួយ​របស់​អង្គការសហប្រជាជាតិ (United Nations)​។

​អង្គការ​យូណេស្កូ (UNESCO) ត្រូវបាន​បង្កើតឡើង​នៅ​ថ្ងៃទី​១៦ ខែវិច្ឆិកា ឆ្នាំ​១៩៤៥ ដែល​មាន​បេសកកម្ម​ពិសេស​ក្នុង​ការរក្សា​នូវ​សន្តិភាព និង​សន្តិសុខ​នៅក្នុង​ពិភពលោក ដោយ​លើកកម្ពស់​កិច្ចសហប្រតិបត្តិការ​ក្នុងចំណោម​ប្រជាជាតិ​នានា តាមរយៈ​ការអប់រំ វិទ្យាសាស្ត្រ វប្បធម៌ និង​ទំនាក់ទំនង​៕

“​កិច្ចការពារ​បេតិកភណ្ឌ​វប្បធម៌ ជា​ភារកិច្ច​របស់​កូន​ខ្មែរ​គ្រប់ៗ​រូប​!”

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2024 Trortrung Cheat | ទ្រទ្រង់ជាតិ. All rights reserved. XHTML / CSS Valid.