ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- មន្ដ្រីយោធាម្នាក់ បង្ហោះសារស្បថឈប់ប្រើរថយន្ដអត់ពន្ធ ក្រោយគយចាប់ឲ្យបង់ពន្ធជាង ១០ម៉ឺនដុល្លារ - មន្ដ្រីយោធាម្នាក់ បង្ហោះសារស្បថឈប់ប្រើរថយន្ដអត់ពន្ធ ក្រោយគយចាប់ឲ្យបង់ពន្ធជាង ១០ម៉ឺនដុល្លារ - ជំនួប​សម្ដែង​ការគួរសម និង​ពិភាក្សា​ការងារ​ជាមួយ​ឯកឧត្តម MIKAMI Masahiro ឯកអគ្គរដ្ឋទូត​ជប៉ុន​ប្រចាំ​ព្រះរាជាណាចក្រ​កម្ពុជា អំពី​ផលប៉ះពាល់​នៃ​មេ​រោគកូ​វីដ​-១៩ ទាក់ទង​នឹង​ការអនុវត្ត​គម្រោង​ជំនួយ​អភិវឌ្ឍន៍​ផ្លូវការ​ - សម្ដេច​តេជោ ហ៊ុន សែន បាន​ប្រកាស​ដាក់​អោយ​ប្រើ​ជា​ផ្លូវការ​នូវ «​កម្មវិធី​ផ្ដល់​សាច់ប្រាក់​ជូន​ប្រជា​ពលរដ្ឋ​ដែល​មាន​ជីវភាព​ក្រីក្រ​និង​ងាយ​រងគ្រោះ​ដោយសារ​ផលប៉ះពាល់​នៃ​ជំងឺ​កូវី​ដ​-១៩» - ឯកឧត្តម អ៊ុន ចាន់​ដា និង​ឯកឧត្តម ខ្លូត ផន រួម​ដំណើរ​ដោយ​ឯកឧត្តម លោកជំទាវ សមាជិក​ក្រុមប្រឹក្សា​ខេត្ត អភិបាលរង​ខេត្ត ថ្នាក់ដឹកនាំ​មន្ទីរ អង្គភាព​ជុំវិញ​ខេត្ត និង​មន្ត្រីរាជការ បាន​អញ្ជើញ​នាំយក​នូវ​ទេយ្យទាន និង​ទៀនវស្សា​ប្រគេន​ព្រះសង្ឃ​គង់នៅ​វត្ត​ចំនួន​៤ ក្នុង​ក្រុង​កំពង់ចាម - ឯកឧត្ដម​ទេសរដ្ឋមន្ត្រី ស៊ុន ចាន់ថុល ដឹកនាំ​គណៈប្រតិភូ​ក្រសួង​នាំយក​ទៀន​ព្រះវស្សា​និង​ទេយ្យវត្ថុ​រួម ទាំង​បច្ច័យ​ប្រគេន​ដល់​ព្រះសង្ឃ​ចំនួន​០៧ វត្ត ឋិត​ក្នុង​ទឹក​ដី​រួម​ខេត្តសៀមរាប​ - សម្តេច​តេជោ ហ៊ុន សែន អញ្ជើញ​ប្រកាស​អនុវត្ត​កម្មវិធី ផ្តល់​សាច់ប្រាក់​ជូន​ពលរដ្ឋ​ក្រីក្រ​និង​ងាយ​រងគ្រោះ​ដោយសារ​ជំងឺ​កូវី​ដ​១៩ - ឯកឧត្តម​ទេសរដ្ឋមន្ត្រី ស៊ុន ចាន់ថុល បាន​នាំយក​ថវិកា​វិភាគទាន​សប្បុរសធម៌​ចំនួន ៨០០ ៤៨០ ០០០ រៀល ដែល​បានមកពី​ការលក់​លេខ​ពិសេស​ផ្ទាល់ខ្លួន "​កម្ពុជា 5" ទៅជូន​មន្ទីរពេទ្យ​គន្ធបុប្ផា​ - ​ឯកឧត្តម​អភិបាលខេត្ត​កំពង់ចាម ដឹកនាំ​មន្ត្រី​ជាន់ខ្ពស់​ក្នុង​សាលាខេត្ត​ចុះ ពិនិត្យ​ការដ្ឋាន​សាងសង់​ស្ពាន​ហាន់ជ័យ ស្ថិតនៅ​ឃុំ​ហាន់ជ័យ ស្រុក​កំពង់សៀម - ​សូម​ប្រុងប្រយ័ត្ន​ថែរក្សា​សុខភាព​អោយបាន​ល្អ​ចូលរួម​ទប់ស្កាត់​កុំអោយ​ឆ្លង​រោគកូ​វីដ​១៩ ទាំង​ពី​យើង​ទៅ​គេ និង​ពី​គេ​មក​យើង​

ពិធី​ចែក​អំណោយ​ជូន​ជន​ងាយ​រងគ្រោះ ក្នុងអំឡុងពេល​នៃ​ការឆ្លង​រីក​រាលដាល​នៃ​ជម្ងឺ​កូវី​ដ​១៩ ចំនួន​៦៣​គ្រួសារ នៅក្នុង​ស្រុក​កងមាស និង​ប្រគល់​ផ្ទះ​០១​ខ្នង ជូន​ប្រជាពលរដ្ឋ​ក្រីក្រ​១​គ្រួសារ

ខេត្ត​កំពង់ចាម ៖ នៅ​ព្រឹក​ថ្ងៃ​សុក្រ ទី​១២ ខែមិថុនា ឆ្នាំ​២០២០ ឯកឧត្តម អ៊ុន ចាន់​ដា អភិបាល​នៃ​គណៈ​អភិបាលខេត្ត​កំពង់ចាម និង​ជា​ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្ត​កំពង់ចាម ឯកឧត្តម ខ្លូត ផន ប្រធាន​ក្រុមប្រឹក្សា​ខេត្ត លោកជំទាវ​អនុប្រធាន​អចិន្ត្រៃយ៍ លោក លោកស្រី សមាជិក​គណៈកម្មាធិកា​រ​សាខា រួម​ជាមួយ​អនុសាខា​ស្រុក​កងមាស បាន​អញ្ជើញ​ចុះ​សាកសួរ​សុខទុក្ខ និង​នាំយក​អំណោយ​មនុស្សធម៌​របស់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា ចែកជូន​ដល់​គ្រួសារ​បងប្អូន​ប្រជាពលរដ្ឋ​ជួប​ការលំបាក ជន​ងាយ​រងគ្រោះ ក្នុងអំឡុងពេល​នៃ​ការឆ្លង​រីក​រាលដាល​នៃ​ជម្ងឺ​កូវី​ដ​១៩ ចំនួន​៦៣​គ្រួសារ នៅក្នុង​ស្រុក​កងមាស និង​ប្រគល់​ផ្ទះ​០១​ខ្នង ដែលជា​អំណោយ​របស់​ឯកឧត្តម​ផ្ទាល់ ជូន​ប្រជាពលរដ្ឋ​ក្រីក្រ​១​គ្រួសារ នៅ​ឃុំ​ពាមជីកង ស្រុក​ង​មាស ។​

​ក្នុងឱកាស​នោះ ឯកឧត្តម បាន​ពាំនាំ​នូវ​ប្រសាសន៍​សួរសុខទុក្ខ​ពី​សំណាក់ ឯកឧត្តម ហ៊ុន ណេង ប្រធានកិត្តិយស​សាខា ជាពិសេស​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា ដែល​ជានិច្ចកាល សម្តេច តែងតែ​មាន​សេចក្ដី​បារម្ភ និង​គិតគូរ​អំពី​សុខទុក្ខ ការលំបាក​របស់​ប្រជាពលរដ្ឋ​គ្រប់ៗ​រូប និង​ក្នុង​គ្រប់​ស្ថានភាព គ្រប់​កាលៈទេសៈ ពិសេស​ក្នុង​អំឡុងពេល​នៃ​ការឆ្លង​រីក​រាលដាល​នៃ​ជម្ងឺ​កូវី​ដ​១៩ ដោយ​មិន​រើសអើង​ឡើយ​។ យ៉ាងណាម៉ិញ ពេលនេះ សម្ដេច​កិត្តិ​ព្រឹទ្ធ​បណ្ឌិត បាន​ចាត់​ឲ្យ​រូប​ឯកឧត្តម​ផ្ទាល់ និង​សហការី ចុះ​ជួយ​អន្តរាគមន៍ ដោះស្រាយ​ការលំបាក​របស់​បងប្អូន​នាពេលនេះ​។​

​ឯកឧត្តម​អភិបាលខេត្ត បាន​ក្រើន​រំ​ឮ​ក​ដល់​បងប្អូន​ប្រជាពលរដ្ឋ​ទាំងអស់​ដែល​មាន​សាច់ញាតិ ជា​ពលករ ពលកា​រី​នី​ដែល​ទើបនឹង​វិល​ត្រឡប់​មកពី​បរទេស សូម​បន្ត​យកចិត្តទុកដាក់​ធ្វើ​ចត្តា​ឡីស័​ក​រយៈពេល​១៤​ថ្ងៃ និង​តាមដាន​សុខភាព​ពួក​គាត់​ជាប់​ជាប្រចាំ និង​ត្រូវរាយការណ៍ជូន​អាជ្ញាធរ​ក្នុងករណី​សង្ស័យ​ណាមួយ និង​សូម​បន្ត​បង្កើន​ការយកចិត្តទុកដាក់ ប្រុងប្រយ័ត្ន​ខ្ពស់ ក្នុង​ការបន្ត​ចូលរួម​បង្ការ ទប់ស្កាត់​ហានិភ័យ នៃ​ការឆ្លង​ជម្ងឺ​កូវី​ដ​១៩ ដោយ​មិន​ត្រូវ​ធ្វេសប្រហែស ឬ​ភ្លេចខ្លួន​នោះឡើយ​។ សូម​បងប្អូន ថែទាំ​សុខភាព រក្សា​អនាម័យ ការរក្សា​គម្លាត​សុវត្ថិភាព និង​អនុវត្ត​តាម​ការណែនាំរ​បស់​ក្រសួងសុខាភិបាល ដើម្បី​ជៀសផុត​ពី​ការឆ្លង​នៃ​ជម្ងឺ ដ៏​កាច​សាហាវ​មួយ​នេះ​។ ដោយឡែក​អាជ្ញាធរ​មូលដ្ឋាន ត្រូវ​បន្ត​ចុះ​អប់រំ ផ្សព្វផ្សាយ​ដល់​បងប្អូន​ប្រជាពលរដ្ឋ អំពី​វិធានការ​ការពារ និង​ទប់ស្កាត់​ការឆ្លង​រីក​រាលដាល​នៃ​ជម្ងឺ​កូវី​ដ​១៩ និង​ជម្ងឺឆ្លង​ផ្សេងៗ​ដូចជា ជម្ងឹគ្រុនឈាម គ្រុនចាញ់ ជាដើម​។ ជាមួយគ្នានេះ អាជ្ញាធរ​មូលដ្ឋាន ត្រូវ​បន្ត​យកចិត្តទុកដាក់​ត្រៀម​បម្រុង ឆ្លើយតប​គ្រោះមហន្តរាយ​នានា​ដែល​កើតមាន​ក្នុង​មូលដ្ឋាន​។​

​ចំពោះ​អំណោយ​ចែកជូន​ក្នុង​១​គ្រួសារៗ​ទទួលបាន​៖ អង្ករ ២៥ គីឡូក្រាម ទឹកស៊ីអ៊ីវ ០១​យួរ ទឹកត្រី ០១​យួរ ត្រីខកំប៉ុង ០១​យួរ ម៉ាស់ ០៥​បន្ទះ អាវយឺត ០២ ថវិកា​២០.០០០​រៀល​។ ដោយឡែក គ្រួសារ​ដែល​ទទួល​ផ្ទះ ទទួលបាន​អង្ករ ៥០​គី​ឡូ សម្ភារៈ​ប្រើប្រាស់​មួយចំនួន​៕

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2020 Trortrung Cheat | ទ្រទ្រង់ជាតិ. All rights reserved. XHTML / CSS Valid.