ចាងហ្វាងការផ្សាយ ៖ ទូច រិទ្ធី / ការិយាល័យ​និពន្ធ : 012674008 / 096 48 50 248 / Email:ttcnnews@gmail.com Website:www.ttcnweb.com
ព័ត៌មាន​ថ្មី
- មន្ដ្រីយោធាម្នាក់ បង្ហោះសារស្បថឈប់ប្រើរថយន្ដអត់ពន្ធ ក្រោយគយចាប់ឲ្យបង់ពន្ធជាង ១០ម៉ឺនដុល្លារ - មន្ដ្រីយោធាម្នាក់ បង្ហោះសារស្បថឈប់ប្រើរថយន្ដអត់ពន្ធ ក្រោយគយចាប់ឲ្យបង់ពន្ធជាង ១០ម៉ឺនដុល្លារ - ជំនួប​សម្ដែង​ការគួរសម និង​ពិភាក្សា​ការងារ​ជាមួយ​ឯកឧត្តម MIKAMI Masahiro ឯកអគ្គរដ្ឋទូត​ជប៉ុន​ប្រចាំ​ព្រះរាជាណាចក្រ​កម្ពុជា អំពី​ផលប៉ះពាល់​នៃ​មេ​រោគកូ​វីដ​-១៩ ទាក់ទង​នឹង​ការអនុវត្ត​គម្រោង​ជំនួយ​អភិវឌ្ឍន៍​ផ្លូវការ​ - សម្ដេច​តេជោ ហ៊ុន សែន បាន​ប្រកាស​ដាក់​អោយ​ប្រើ​ជា​ផ្លូវការ​នូវ «​កម្មវិធី​ផ្ដល់​សាច់ប្រាក់​ជូន​ប្រជា​ពលរដ្ឋ​ដែល​មាន​ជីវភាព​ក្រីក្រ​និង​ងាយ​រងគ្រោះ​ដោយសារ​ផលប៉ះពាល់​នៃ​ជំងឺ​កូវី​ដ​-១៩» - ឯកឧត្តម អ៊ុន ចាន់​ដា និង​ឯកឧត្តម ខ្លូត ផន រួម​ដំណើរ​ដោយ​ឯកឧត្តម លោកជំទាវ សមាជិក​ក្រុមប្រឹក្សា​ខេត្ត អភិបាលរង​ខេត្ត ថ្នាក់ដឹកនាំ​មន្ទីរ អង្គភាព​ជុំវិញ​ខេត្ត និង​មន្ត្រីរាជការ បាន​អញ្ជើញ​នាំយក​នូវ​ទេយ្យទាន និង​ទៀនវស្សា​ប្រគេន​ព្រះសង្ឃ​គង់នៅ​វត្ត​ចំនួន​៤ ក្នុង​ក្រុង​កំពង់ចាម - ឯកឧត្ដម​ទេសរដ្ឋមន្ត្រី ស៊ុន ចាន់ថុល ដឹកនាំ​គណៈប្រតិភូ​ក្រសួង​នាំយក​ទៀន​ព្រះវស្សា​និង​ទេយ្យវត្ថុ​រួម ទាំង​បច្ច័យ​ប្រគេន​ដល់​ព្រះសង្ឃ​ចំនួន​០៧ វត្ត ឋិត​ក្នុង​ទឹក​ដី​រួម​ខេត្តសៀមរាប​ - សម្តេច​តេជោ ហ៊ុន សែន អញ្ជើញ​ប្រកាស​អនុវត្ត​កម្មវិធី ផ្តល់​សាច់ប្រាក់​ជូន​ពលរដ្ឋ​ក្រីក្រ​និង​ងាយ​រងគ្រោះ​ដោយសារ​ជំងឺ​កូវី​ដ​១៩ - ឯកឧត្តម​ទេសរដ្ឋមន្ត្រី ស៊ុន ចាន់ថុល បាន​នាំយក​ថវិកា​វិភាគទាន​សប្បុរសធម៌​ចំនួន ៨០០ ៤៨០ ០០០ រៀល ដែល​បានមកពី​ការលក់​លេខ​ពិសេស​ផ្ទាល់ខ្លួន "​កម្ពុជា 5" ទៅជូន​មន្ទីរពេទ្យ​គន្ធបុប្ផា​ - ​ឯកឧត្តម​អភិបាលខេត្ត​កំពង់ចាម ដឹកនាំ​មន្ត្រី​ជាន់ខ្ពស់​ក្នុង​សាលាខេត្ត​ចុះ ពិនិត្យ​ការដ្ឋាន​សាងសង់​ស្ពាន​ហាន់ជ័យ ស្ថិតនៅ​ឃុំ​ហាន់ជ័យ ស្រុក​កំពង់សៀម - ​សូម​ប្រុងប្រយ័ត្ន​ថែរក្សា​សុខភាព​អោយបាន​ល្អ​ចូលរួម​ទប់ស្កាត់​កុំអោយ​ឆ្លង​រោគកូ​វីដ​១៩ ទាំង​ពី​យើង​ទៅ​គេ និង​ពី​គេ​មក​យើង​

ឯកឧត្តម​ទេសរដ្ឋមន្ត្រី ស៊ុន ចាន់ថុល បាន​នាំយក​ថវិកា​វិភាគទាន​សប្បុរសធម៌​ចំនួន ៨០០ ៤៨០ ០០០ រៀល ដែល​បានមកពី​ការលក់​លេខ​ពិសេស​ផ្ទាល់ខ្លួន “​កម្ពុជា 5” ទៅជូន​មន្ទីរពេទ្យ​គន្ធបុប្ផា​

ភ្នំពេញ​៖ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន បាន​នាំយក​ថវិកា វិភាគទាន​សប្បុរសធម៌​ដែល​បានមកពី​ការលក់​លេខ​ពិសេស​ផ្ទាល់ខ្លួន “​កម្ពុជា 5” ទៅ​ប្រគល់ជូន​មន្ទីរ ពេទ្យ​គន្ធបុប្ផា នា​ថ្ងៃ​ពុធ ១២​រោច ខែ​ជេស្ឋ ឆ្នាំ​ជូត ទោ​ស័ក ព​.​ស​. ២៥៦៤ ត្រូវ​នឹង​ថ្ងៃទី​១៧ ខែមិថុនា ឆ្នាំ​២០២០ ។

​កម្មវិធី​នេះ បាន​ប្រព្រឹត្តទៅ​នៅ​ក្រសួង​សេដ្ឋកិច្ច និង​ហិរញ្ញវត្ថុ ក្រោម​អធិបតីភាព​ដ៏​ខ្ពង់ខ្ពស់​របស់​ឯកឧត្តម អគ្គបណ្ឌិត​សភា​ចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ និង​ជា ប្រធាន​ក្រុមប្រឹក្សា​បរ​ធន​បាល​នៃ​មូលនិធិ​គន្ធបុប្ផា​កម្ពុជា ដោយ​មាន​ការចូលរួម​ពី​ថ្នាក់ដឹកនាំ​ក្រសួង សមាជិក​សមាជិកា​គណៈ​កម្ម​ការ​អន្តរក្រសួង មន្ត្រី​ជំនាញ និង​ភាគី​ពាក់ព័ន្ធ​ផងដែរ​។​

​សូម​ជម្រាប​ជូន​ថា​៖ កាលពី​ថ្ងៃ​ទី​០៧ ខែ​មករា ឆ្នាំ​២០២០ កន្លងទៅនេះ ក្រសួង​សាធារណការ និង​ដឹក ជញ្ជូន​បាន​បើក​ឱ្យ​ដំណើរការ​ជា​ផ្លូវការ​នៃ​ការលក់​លេខ​ចុះបញ្ជី​ពិសេស​ផ្ទាល់ខ្លួន​សម្រាប់​រថយន្ត​ដែលមាន លក្ខណៈ​ពិសេស​អាច​ក​ម្មង់​តាម​ការពេញចិត្ត ដើម្បី​បំពេញ​តម្រូវការ​និង​ផ្តល់​ជម្រើស​សម្បូណ៌​បែប​ជូន ប្រជាពលរដ្ឋ ហើយ​ស្លាក​លេខ​ប្រភេទ​នេះ​បង្ហាញ​ពី​អត្តសញ្ញាណ​កម្ពុជា លើ​ឆាក​អន្តរជាតិ អាច​កៀរគរ​ចំណូល​បន្ថែម​ជូន​រដ្ឋ និង​អាច​អនុញ្ញាត​ឱ្យ​ម្ចាស់​រថយន្ត​រក្សា​លេខ​នោះ​ទុក​សម្រាប់​ចុះបញ្ជី​លើ​រថយន្ត ថ្មី​របស់​ខ្លួន​ក្រោយៗ​ទៀត​។ ប្រព័ន្ធ​ស្វ័យប្រវត្តិកម្ម​ចុះបញ្ជី​យានយន្ត និង​លក់​លេខ​ពិសេស មាន​អាសយដ្ឋាន https://vehicle.mpwt.gov.kh ។

​ថ្ងៃនេះ​ជា​លើក​ទី​ពីរ​ហើយ ដែល​ក្រសួង​បានប្រគល់​ថវិកា​វិភាគទាន​សប្បុរសធម៌ ជូន​មន្ទីរពេទ្យ​គន្ធបុប្ផា ថវិកា​ដែល​បាន​ប្រគល់​ជូន​លើក​នេះ​មាន​ទឹកប្រាក់​ចំនួន ៨០០ ៤៨០ ០០០​រៀល បានមក​ពី​ការដេញថ្លៃ លក់​លេខ​ពិសេស​ផ្ទាល់ខ្លួន “​កម្ពុជា 5” កាលពី​ខែ​មីនា ឆ្នាំ​២០២០ កន្លងទៅនេះ​។

​យោង​តាម​ការសម្រេច​ដ៏​ខ្ពង់ខ្ពស់​របស់​សម្ដេច​តេជោ​នាយករដ្ឋមន្ត្រី​បានអនុញ្ញាត​ឲ្យ ប្រគល់​ថវិកា​នេះ​ជូន​មន្ទីរពេទ្យ​គន្ធបុប្ផា ក្នុងនាម រាជរដ្ឋាភិបាល​កម្ពុជា​ដោយ​ដាក់បញ្ចូល​ទៅក្នុង​មូលនិធិ​គន្ធបុប្ផា​កម្ពុជា​ដើម្បី​ចូលរួម​ចំណែក​ក្នុង​ការពិនិត្យ​និង​ការព្យាបាល​ជំងឺ​កុមារ​នៅក្នុង​មន្ទីរពេទ្យ​គន្ធបុប្ផា​។​

​ឯកឧត្តម​ទេសរដ្ឋមន្ត្រី បាន​គូសបញ្ជាក់ថា​៖ ការលក់​លេខ​ពិសេស​ផ្ទាល់ខ្លួន​ដែល​ត្រូវបាន​ដាក់ឲ្យអនុវត្ត កន្លងទៅ​នេះ​ជា​ប្រភព​ចំណូល​ថ្មី​មួយទៀត ដោយ​ក្រសួង​សេដ្ឋកិច្ច និង​ហិរញ្ញវត្ថុ និង​ក្រសួង​សាធារណ ការ និង​ដឹកជញ្ជូន​បាន​បង្កើតឲ្យមាន​ការលក់ និង​ដេញថ្លៃ​លេខ​ពិសេស​ផ្ទាល់ខ្លួន​សម្រាប់​រថយន្ត​ដើម្បី​ជា គុណប្រយោជន៍​ដល់​ថវិកាជាតិ​។

​ចំណូល​ពី​ការលក់​លេខ​ពិសេស​ផ្ទាល់​ខ្លួន “​កម្ពុជា 5” ដែល​ទទួលបាន ទឹកប្រាក់​ចំនួន ៨០០ ៤៨០ ០០០​រៀល​គឺជា​ប្រវត្តិសាស្ត្រ​មួយ​ដែល​ប្រភេទ​លេខ​ពិសេស​ផ្ទាល់​ខ្លួន​មួយ​នេះ លក់​បាន​ក្នុងតម្លៃ​ខ្ពស់​គួរ​ជាទី​មោទនៈ​។​

​ថ្លែង​ក្នុង​ពិធី​នោះ ឯកឧត្តម​អគ្គបណ្ឌិត​សភា​ចារ្យ​ឧបនាយករដ្ឋមន្ត្រី បាន​វាយតម្លៃ​ខ្ពស់​ចំពោះ​គំនិត​ផ្ដួចផ្ដើម របស់​ក្រសួង​សាធារណការ និង​ដឹកជញ្ជូន ក្រោម​ការដឹកនាំ​របស់​ឯកឧត្តម​ទេសរដ្ឋមន្ត្រី ស៊ុន ចាន់ថុល ដែល​បាន​ធ្វើឱ្យ​សេវា​សាធារណៈ​កាន់តែ​ល្អ​ប្រសើរ​សម្រាប់​បងប្អូន​ប្រជាពលរដ្ឋ និង​អាច​បង្កើន​ប្រាក់ចំណូល​ជូន​រដ្ឋ​ផងដែរ​។

​ជាមួយគ្នា​នោះ ឯកឧត្តម​អគ្គបណ្ឌិត​សភា​ចារ្យ​ឧបនាយករដ្ឋមន្ត្រី បាន​ថ្លែងអំណរគុណ​ដល់​សមាជិក សមាជិកា​អន្តរក្រសួង​ដែល​បាន​ខិតខំ​ប្រឹងប្រែង​បំពេញ​កិច្ចការ​របស់​ខ្លួន​នា​ពេលកន្លងមក ដោយ​ទទួល បាន​នូវ​លទ្ធផល​ល្អប្រសើរ និង​បាន​ស្នើឲ្យ​បន្ត​កិច្ចសហការ​ល្អ​បន្តទៀ​ត ដើម្បី​ឱ្យ​សេវា​នេះ​កាន់តែ​ល្អ ប្រសើរឡើង​ថែមទៀត និង​អាច​រក​ចំណូល​ជូន​រដ្ឋ​បាន​កាន់តែ​ច្រើន​៕
“​ប្រព័ន្ធ​ស្វ័យប្រវត្តិកម្ម​ចុះបញ្ជី​យានយន្ត និង​លក់​លេខ​ពិសេស មាន​អាសយដ្ឋាន https://vehicle.mpwt.gov.kh”

Filed in: ដំណឹងក្នុងស្រុក

Recent Posts

Bookmark and Promote!

Leave a Reply

Submit Comment
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 67 40 08 / 096 48 50 248

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "ទ្រទ្រង់ជាតិ"

ទីស្នាក់ការ ស្ថិតនៅផ្ទះលេខ ២០៨ ផ្លូវលេខ ៨ C សង្កាត់ ទឹកថ្លា ខណ្ឌសែនសុខ រាជធានីភ្នំពេញ

Tel: 012 67 40 08 / 096 48 50 248

Copyright © 2015 Trortrung Cheat News, All right Reserved

© 2020 Trortrung Cheat | ទ្រទ្រង់ជាតិ. All rights reserved. XHTML / CSS Valid.